Qazaqstan • 19 Qańtar, 2022

Tálimger ustaz, bilikti basshy edi...

263 ret kórsetildi

Byltyr 4 qarashada «Egemen Qazaqstan» gazetinde elordadaǵy Qaıym Muhamedhanov atyndaǵy №90 mektepte ashylǵan Qazaq tili kabınetine ómiriniń sońǵy kezeńinde osy oqý ornynyń basshysy bolǵan Erbol Irgebaı esimi berilgeni týraly jazyldy. Bul – kúni keshe ǵana ortalarynda júrgen, az ǵumyrynda óshpeıtin úlgi-ónegesin qaldyrǵan ardaqty azamatqa mektep ujymy kórsetken laıyqty qurmet edi.

Erbol Irgebaı 1962 jyly 5 qyrkúıekte Shyǵys Qazaqstan oblysy Aıagóz aýdanynyń Tarbaǵataı aýylynda muǵalimder otbasynda dúnıege keldi. Ákesi Islám Muqa­taıuly kóp jyldar mektep dırektory, aýyldyq keńestiń tóraǵasy bolyp qyzmet atqarsa, anasy Lına Slıambaıqyzy da muǵalim bolǵan. Erbol Islámuly – úıdiń tuńǵyshy.

Esiminiń Erbol qoıylýy da tegin emes. Ájesi Jamal neme­resin el úshin týǵan er bolsyn dep yrym­daǵan eken. Erboldyń balalyq shaǵy Tarbaǵataı bókterindegi Úrjar aýdanynyń Tasbulaq aýylynda ótedi. Jastaıynan qaǵylez, zerek, aqyldy bolyp ósedi. «Uıa­da ne kórseń, ushqanda sony iler­siń» degendeı, ata men ájeniń ónegesin, ákesi men anasynyń ustaz­dyq ulaǵatyn kórip ósken Erbol sol joldy tańdaıdy. 1979 jyly Semeıdegi pedagogıkalyq ınstıtýtqa oqýǵa túsip, 1983 jyly qazaq tili men ádebıeti páni muǵalimi mamandyǵy boıyn­sha bitirip shyǵady. Oqýdy bitir­gennen keıin ózi ósken aýylǵa ba­ryp, eńbek jolyn Tasbulaq orta mek­tebinde bastaıdy. Úrjar aýdanynyń Laıbulaq, Qaraqol mektepterinde dırektor boldy. Táýelsizdiktiń alǵashqy tańyndaǵy qıyndyqtar kezinde Qaraqol aýyldyq okrýginiń tóraǵasy qyzmetin de abyroımen atqarady.

2000 jyly Arqaǵa bet buryp, elordaǵa qonys aýdarady. Qala­daǵy №11 hımııa-bıologııa lı­seıine dırektordyń tárbıe isi jónindegi orynbasary jáne qazaq tili men ádebıeti pániniń muǵalimi qyzmetinde júrip, astanalyq bilim salasyndaǵy áriptesterine ozyq oı-usynystarymen tez tanylady. Kóp uzamaı qaladaǵy №40 orta mektepke dırektor bolyp taǵaıyndalady. Mekteptiń Álkeı Marǵulan esimimen atalýyna ózi sebepker bolyp, osy shańy­raqta 13 jyl tynymsyz eń­begimen abyroı-mereıi óse­di. Bilim berý jolyndaǵy qyz­metin ǵylymı izdenispen ushtas­tyrady. Ǵalym Tursyn Jurt­baı­dyń basshylyǵymen abaıtanýshy ǵalym-ustazy Qaıym Muha­medhanuly murasynyń zerttelýine den qoıady. «Kitap taǵdyry – qoǵam taǵdyry» jýrnalynda jazǵan maqalasynda ǵylymı izdenisin egjeı-tegjeıli baıandaıdy. 2018 jyly elordanyń Oqýshylar saraıyna dırektorlyqqa taǵaıyn­dalady. Munda da tynymsyz jumystardy atqara júrip, 2019 jyly ortalyqqa Ál-Farabıdiń esimi berilýine sińirgen eńbegi jandy.

2020 jyly Erbol Irgebaı Nur-Sultan qalasyndaǵy jańa №90 gımnazııaǵa dırektor bolyp taǵaıyndalady. О́miriniń sońǵy sátine deıin osy mekteptiń mazmuny men mánin ulttyq na­qyshta qurýdy oılap, onyń tujy­rymdamasyn jasap, mektep ishin ulttyq qundylyqtar ne­gizinde bezendirýge erekshe mán berip, pe­dagogıkalyq sheber­hanasyn qa­lyptastyrýǵa um­tyl­dy. Bul bilim ordasyna ǵa­lym Qaıym Muha­medhanovtyń esimin berý úshin de aıanbaı eńbek­tenedi. Kózi tirisinde bul usy­nysyn Nur-Sultan qala­synyń onomastıkalyq komıssııasy bekitti. №90 gımnazııaǵa Qaıym Muhamedhanovtyń esimi be­ril­di. О́miriniń ár sátin sanaly ur­paq tárbıeleýge arnaǵan Er­bol Islámuly Ál-Farabı, Abaı Qu­nanbaıuly, Ahmet Baıtur­synuly, Álkeı Marǵulan, Qaıym Muhamedhanov syndy Alashtyń iri qaı­ratkerleriniń ilimin úlgi tutty. Ustazdyq pen ǵylym jolynda qatar izdenip, el erteńi úshin eńbek etti.

Erbol Islámuly – ulaǵatty ustaz, abaıtanýshy, qaıymtanýshy ǵalym. Ol «Bilim berý isiniń qur­metti qyzmetkeri», «Eren eń­begi úshin» medaliniń, «Qazaqstan Res­pýb­lıkasy Táýelsizdiginiń 20 jyl­­dyǵy», «Til janashyry» tós­bel­gileriniń ıegeri jáne «Ha­lyq súıiktisi» respýblıkalyq baı­qaýy­nyń jeńimpazy atandy.

Erbol Irgebaı naǵyz patrıot, ana tiliniń janashyry boldy. 2021 jyldyń 5 aqpanynda máńgilik saparǵa attandy. Halqyna aıanbaı eńbek etken, ustazdyq qyzmetin adal atqarǵan, urpaq sanasyna bilim nárin ekken, ǵylym jolyn­da talmaı izdengen Erbol Islám­ulynyń esimi jurt jadynda jań­ǵyryp turary anyq.

 

Saırash ÁBIShQYZY,

Qazaqstannyń eńbek sińirgen qaıratkeri, Bilim berý isiniń qurmetti qyzmetkeri

Názıla MUQATAIQYZY,

pedagogıka ǵylymdarynyń kandıdaty

Sońǵy jańalyqtar

Shymkentte taǵy bir aýdan qurylady

Qoǵam • Búgin, 16:58

Almatyda qant qymbattap barady

Qoǵam • Búgin, 16:45

Dollar baǵamy ósti

Qarjy • Búgin, 16:12

Uqsas jańalyqtar