Elorda • 19 Qańtar, 2022

Azyq-túlik baǵasyn kótergen dúkenderge shara qoldanyldy

54 ret kórsetildi

Elordada áleýmettik mańyzy bar azyq-túlik ónimderiniń baǵasyn turaqtandyrý úshin kún saıyn monıtorıng júrgiziledi, dep habarlaıdy Egemen.kz qala ákimdiginiń resmı saıtyna silteme jasap.

Osylaısha, bıznestiń 8 sýbektisiniń qyzmetinde saýda ústemesinen asyp ketý belgileri anyqtaldy. Ákimdik atalǵan bıznes sýbektilerin jaýapkershilikke tartý boıynsha jumys júrgizdi jáne «eskertý» túrinde uıǵarymdar shyǵardy.

Sondaı-aq 4 dúkenge qatysty baǵany kóterý boıynsha ákimshilik sharalar qabyldandy. Olar: «Elıt Et» dúkenderi (Qonaev kóshesi, 14), «Altaı» (Syrym batyr kóshesi), Et dúkeni (Tilendıev dańǵyly, 36) jáne «Jastar» SÚ (Kravsov kóshesi, 6).

Búgingi kúni ákimdik áleýmettik mańyzy bar azyq-túlik ónimderine shekti saýda ústemesin saqtaý boıynsha arnaıy qatynap kásiptik baqylaý jáne qadaǵalaý júrgizý úshin saýda obektileriniń jartyjyldyq tizimderin qalyptastyrdy.

Bul sharalar naryqtaǵy jaǵdaıǵa júıeli taldaý jasaýǵa jáne baǵanyń ósýin tejeý úshin tıisti sharalardy ýaqtyly qabyldaýǵa múmkindik beredi. Baǵa kóterilgen jaǵdaıda kásipkerlerge eń qatań sharalar qoldanylatyn bolady.

Eger azamattarda baǵanyń ósýine qatysty aqparat bolsa (saýda nysanynyń mekenjaıy, taýar markasy jáne baǵasy kórsetilgen) Nur-Sultan qalasynyń ákimdigine, tel.: 55-68-99, 55-69-78, 55-68-08, nemese básekelestikti qorǵaý jáne damytý agenttiginiń «jedel jeli» telefondaryna qońyraý shalý kerek: 8 (7172) 75-04-65, 74-27-38, 65-16-86, 8 778 668 1841, 8 775 592 6169, 8 701 800 39 38, 8 705 424 36 84.

Esterińizge sala keteıik, áleýmettik mańyzy bar azyq-túlik taýarlarynyń baǵasyn ustap turý úshin Nur-Sultan qalasynyń ákimdigi birqatar sharalar qabyldady. «Aınalym tetigi» aıasynda 2020-2021 jyldary kásipkerlik sýbektilerine 8,6 mlrd teńge bólindi. 30 myń tonnadan astam azyq-túlik taýarlaryna kelisimshart jasaldy.

Sondaı-aq áleýmettik mańyzy bar azyq-túlik ónimderiniń baǵasyn turaqtandyrý quraldarynyń biri retinde aýyl sharýashylyǵy jármeńkeleri ótkiziledi. Al ótken jyldyń jeltoqsan aıynan bastap Prıgorodnyı shaǵyn aýdanynda (Arnasaı kóshesi, 109) jyl boıy ótetin jármeńkeler uıymdastyrylyp keledi. Jármeńkege 5 óńirdiń (Aqmola, Shyǵys Qazaqstan, Qaraǵandy, Qostanaı, Pavlodar oblystary) óndirýshileri qatysýda.

Sonymen qatar jeke ınvestısııalar esebinen qalada azyq-túlik qaýipsizdigin qamtamasyz etýge, naryqty jergilikti taýarmen qamtamasyz etýge múmkindik beretin birqatar obektilerdiń qurylysy júrgizilýde: 3 kóterme taratý ortalyǵy, 2 jylyjaı kesheni, nan-toqash kombınaty. Budan basqa, nan-toqash kombınaty, sút óńdeý zaýyty, kókónis qoımasy kiretin óndiristik-tamaq kesheniniń qurylysy júrgizilýde.

Sońǵy jańalyqtar

Uqsas jańalyqtar