Bilim • 20 Qańtar, 2022

Sapaly bilim – eldigimizdiń kepili

5512 ret kórsetildi

Memleket basshysy Qasym-Jomart Toqaevtyń Parlament Májilisinde sóılegen sózinde mádenıet pen bilim el damýynyń quramdas bóligi ekenin aıta kelip, bilim salasyn órge jeteleýdiń birneshe máselesine toqtaldy.

Prezıdent eń aldymen sapaly bilimdi qoljetimdi etýdi qolǵa alý qajettigin atap ketti. Shynynda da, qoǵam damýynyń basty faktory sapaly bilimdi meńgergen bilikti mamandar ekeni sózsiz. Bul baǵytta elimizde bilimge qushtar, bolashaǵymyzdyń negizin quraıtyn daryndy jastarǵa barynsha qoldaý kórsetip, áleýetin paıdalaný kózderin qarastyrý kerek. Ásirese aýyl jastary arasyndaǵy talanttarǵa sapaly bilim alý berý tetigin aıqyndaý, ony júzege asyrý tásilin belgileý qajet dep sanaımyz.

Daryndy tulǵany qalyp­tas­tyrýshy – ulaǵatty ustaz, eń aldymen mektepte bilim nárimen sýsyndatatyn muǵalim. Búgingi muǵalimniń óz salasynda qajymas eńbek etip, sapaly bilim berýi, onyń áleýmettik jaǵdaıynyń deńgeıimen de tikeleı baılanysty ekeni ras. Mektepterdi «jaqsy muǵalimdermen qamtamasyz etpeıinshe, bilim sapasyn kóterý múmkin emes», degen Memleket basshysynyń sózi, bizdiń oıymyzsha, eń aldymen aýyl mektepteri ustazdaryna baǵyttalyp otyr. sondyqtan zamanaýı bilim alǵan pedagog mamandardyń aýylǵa baryp eńbek etýge qyzyǵýshylyǵyn arttyrý maqsatynda baǵdarlama qabyldanyp, sol baǵdarlamada muǵalim mártebesi men múddesin qorǵaıtyn ózekti máseleler óz sheshimin tabýy kerek. Ahmet Baıtursynulynyń «Muǵalim – mekteptiń júregi» degen qanatty sózi qaıta jańǵyryp, nur ústine nur balary haq.

Prezıdent joǵary mektepterde bilim alýdy qoljetimdi etýde halyq kóp shoǵyrlanǵan aımaqtarǵa arnap maqsattyq bilim berý granttaryn bólý týraly tapsyrmasy da – kóńilge qonymdy jańalyq. Bul bastama halyq sany kóp aımaq jastarynyń memleket qoldaýymen, aqysyz, sapaly joǵary bilim alýǵa múmkindigin arttyryp, bolshaqqa senimmen qaraýyna septigin tıgizbek. Atalǵan bastamany halyq zor qýanyshpen qabyl alyp otyr.

Ár memlekettiń ekonomıkalyq jáne áleýmettik turǵydan damýy­nyń taǵy bir kórsetkishi – álemdik tájirıbege súıengen bilimdi maman daıarlaýmen tyǵyz baılanysty. Osy oraıda Memleket basshysy óz sózinde sheteldik aldyńǵy qatarly joǵary oqý oryndarynyń, sonyń ishinde Qazaqstanǵa asa qajetti teh­nı­kalyq baǵyttaǵy oqý oryn­darynyń fılıaldaryn ashý týraly aıtqan sózi – jastardyń el­den tys ketpeı-aq, sapaly bilim alýy­na jol ashatyn tyń jańalyq. Bul qajetti mamandar­men eldi qamtamasyz etý máselesin sheshýdiń tıimdi joly bolatynyna senemiz.

 

Gúljamal JAPAROVA,

«Turan-Astana» ýnıversıtetiniń rektory, professor,

Nur-Sultan qalalyq máslıhatynyń depýtaty

Sońǵy jańalyqtar

Uqsas jańalyqtar