Aımaqtar • 20 Qańtar, 2022

Kúrdeli jóndeýdi qajet etedi

72 ret kórsetildi

Almatyny qalpyna keltirý jumystary aıasynda 203 kásipkerlik nysan tekserilip, onyń ishinde úsh shaǵyn jáne orta bıznes (ShOB) nysanyn kúrdeli jóndeýden ótkizý qajettigi anyqtaldy.

Búlingen nysandar túgendeldi

Qalpyna keltirý jónindegi qalalyq shtab otyrysynda qala ákimi­niń orynbasary Muhıt Ázir­baevtyń aıtýynsha, búgingi tańda qalpyna keltirýdi qajet etetin 243 nysan anyqtaldy. Onyń 27-si – memlekettik mekemelerdiń ǵıma­rattary, 216-sy – ShOB nysandary. Kásipkerlerge tıesili 216 nysa­n­nyń 206-sy tekserilse, onyń ishinde úsh nysanǵa, ıaǵnı Jetisý aýda­nyndaǵy «Mereı» SÚ qoıma ǵımaraty, Bostandyq aýdanyndaǵy «Mır 24» TRK, Áýezov aýdanyndaǵy Das Auto Service ǵımarattaryn kúrdeli jóndeýden ótkizý qajet. Bul nysandardyń qurylys-montajdaý jumystarynyń quny anyqtalady. Budan bólek esik-terezeleri qıraǵan 203 nysan aǵymdaǵy jóndeýdi qajet etedi, onyń 8-i menshik ıeleriniń óz qarajaty esebinen qalpyna kel­tirildi. 127 nysan boıynsha aldyn ala shyǵyn somasy 56 mln teńgeni quraıdy.

«Akkredıttelgen uıymdar teh­nı­kalyq tekserý, aqaýly aktiler men smetalyq esepterdi daıyndaý jumystaryn júrgizip otyr. 10 nysanda tekserý júrgizip, ruqsat alý úshin menshik ıeleri izdestirilip jatyr», dedi qala ákimniń orynbasary.

Budan bólek energııa tıimdiligin bas­qarýǵa qatysty Medeý aýda­nyn­daǵy ıesiz jelilerdi rekon­strýk-

sııalaý, «Tuzdybastaý», «Kaskad», «Almagúl» qosalqy stan­salarynyń qurylysy, IýRK qazandyǵyn rekon­strýksııalaý, «Qarǵaly» sý qabyl­daǵyshynyń qurylysy, «Premera» TK qazan­dyǵyn keńeıtý men Aqjar shaǵyn aýdanyndaǵy jelilerdi salýda qurylys-montajdaý jumys­tarynyń quny qaıta jasaldy. 19 nysan qysqy kezeńge toqta­tyldy. Sondaı-aq jeke qurylys salý­shylardyń barlyq 143 nysanynda qurylys-montajdaý jumystary qaıta jandandy.

p

Azyq-túlik tapshylyǵy joq

Kásipkerlik jáne ınvestısııa­lar basqarmasynyń basshysy Erkebulan Orazalın Almatynyń tynys-tirshiligin qalpyna keltirý jónindegi qalalyq shtab otyrysynda megapolısti azyq-túlikpen qamtamasyz etýdiń jaı-japsaryn jetkizdi.

«Búginde Almatynyń barlyq azyq-túlik kásiporyndarynyń qyz­meti qalpyna keltirildi, ónimderdi jetkizý barlyq iri jáne orta sýper­marketterge, «úı janyndaǵy» dú­kenderge, sondaı-aq bazarlarǵa shtat­­tyq rejimde júrgizilýde. Qala­da 144 iri jáne orta sýpermarket, 3,5 myńnan astam «úı janynda» dúkeni, 26 azyq-túlik bazary jumys isteıdi. Jalpy, qalada qalalyq jáne óńirlik óndirýshilerden azyq-túlik ónimderin jetkizý jáne satý jolǵa qoıylǵan, birinshi kezekte qajetti ónim tapshylyǵy baıqalmaıdy», dedi E.Orazalın.

Áleýmettik nan qajettiligin qala­nyń nan pisirý kásiporyndary – «Aqsaı nan» NTK» JShS, «Bashırov» JK, «Rýzı Nan» JShS, «Almatynan HBK» JShS jáne «DarıNan» JShS tolyq qamta­masyz etedi. Sút ónimderiniń jal­py qajettiliginiń 20,5%-yn «Agroprodýkt» kompa­nııalar toby men «Maslodel» JShS jabady. Qalǵan 79,5%-yn Alma­ty obly­synyń óndirýshileri jetkizedi. Qalanyń kúnbaǵys maıyna degen qajettiliginiń jartysyn jergilikti maı zaýyttary – «Evrazıan Fýds Korporeıshn» AQ, «Maslo-Del» JShS jáne «EFKO Almaty» JShS qamtamasyz etedi. Sondaı-aq Shyǵys Qazaqstan oblysy, Reseı óndirýshileriniń ónimderi bar (5%). Kókónister Almatyǵa Pav­lodar, Almaty, Jambyl jáne Qaraǵandy oblystarynan jet­kiziledi. Qalany et ónimderimen jáne jumyrtqalarmen Almaty, Túr­kistan, Jambyl oblystarynyń kásiporyndary qamtamasyz etedi. Un, jarma, qant, tuz sııaqty bakaleıa taýarlary Qostanaı, Almaty, Jam­byl, Aqmola, Pavlodar, Qyzylorda jáne Shyǵys Qazaqstan oblystarynan kelip jatyr.

k

 

ALMATY

Sońǵy jańalyqtar

Uqsas jańalyqtar