Monıtorıngtik toptardyń qyzmeti jeke jáne zańdy tulǵalardyń qoǵamdyq tártipti saqtaýyna, sanıtarııalyq-epıdemııaǵa qarsy jáne sanıtarııalyq-profılaktıkalyq, shekteý is-sharalaryna, onyń ishinde ınfeksııalyq aýrýlardyń taralý qaýpiniń aldyn alýǵa baılanysty karantınge monıtorıng júrgizý bolyp tabylady.
Monıtorıngtik toptardyń quramyna ákimdikterdiń, IIO-nyń ókilderi, jurtshylyq pen eriktiler, sondaı-aq basqa da múddeli tulǵalar kiredi.
Ákimdikter MGQ qyzmetin úılestirýge, onyń ishinde reıdti aldyn ala tirkeýdi jáne monıtorıng júrgizý nátıjelerin aqparattyq resýrsta júzege asyrýǵa jaýapty laýazymdy adamdardy aıqyndaıdy.
Monıtorıng toptary epıdemıologııalyq jaǵdaıdyń matrısasyna sáıkes «sary» jáne «qyzyl» aımaqta ornalasqan óńirlerde qyzmetin júzege asyrady.
Monıtorıng obektisine shyǵar aldynda monıtorıngtik toptyń barlyq músheleriniń mártebesi «jasyl» bolýy tıis.
Reıd barysynda qandaı tekserister júrgiziledi?
- Obektiniń qyzmetin shekteýge qoıylatyn talaptardy saqtaý (jumys rejımi);
- Otbasylyq, eske alý is-sharalaryn (banketter, úılený toılary, mereıtoılar, eske alý) jáne adamdar kóp jınalatyn ózge de is-sharalardy ótkizýdi shekteýge qoıylatyn talaptardy saqtaý;
- Áleýmettik qashyqtyqty saqtaý;
- Maska rejımin saqtaý;
- Kelýshiler sanynyń lımıtin saqtaý;
- Qyzmetkerlerde (personalda) COVID-19-ǵa qarsy vaksınasııanyń bolýy;
- Kelýshiler men qyzmetkerlerge skanerleýsiz kirýge jáne kireberiste arnaıy QR-kodty kórsetýge tyıym salýdy saqtaý.
Qujattyń tolyq mátinin «Ashyq NQA» saıtynan kórýge bolady.
