Bilim • 21 Qańtar, 2022

Balalardy yntalandyrýdyń tyń jolyn tapty

306 ret kórsetildi

Ekibastuzdyq muǵalim Darııa Doshımova oqýshylardyń oqýǵa degen yntasy men qyzyǵýshylyǵyn arttyrý úshin túrli oıyn tehnologııalaryn qoldana bastaǵan, dep habarlaıdy Egemen.kz QR Bilim jáne Ǵylym mınıstrliginiń baspasóz qyzmetine silteme jasap.

Ol Pavlodar oblysy Ekibastuz qalasyndaǵy №35 mektep-gımnazııasynda «Kásipkerlik jáne bıznes negizderi» páninen sabaq beredi. Sonymen qatar Youtube-te bilim berý kanalyn júrgizedi jáne jalpy bilim beretin pánderdi oqytýda geımıfıkasııa ádisin paıdalanýdy engizgen.

Pedagog Ekibastuzda Respýblıkalyq jas kásipkerler klýbyn qurǵan. Klýbtyń prezıdenti – qalalyq №35 mekteptiń 10 «A» synyp oqýshysy. Búginde klýbtyń fılıaldary Semeı jáne Qyzylorda qalalarynda da ashylǵan. Darııa Doshımova oqýshylar arasynda oıyn týrnırlerin uıymdastyrýǵa atsalysyp turady.

Ustaz bilim berý salasynda 15 jyldan astam ýaqyt jumys isteıdi. Osy jyldar ishinde Darııa Doshımova oqytýdyń túrli ádisterin oılap tapqan. Búginde ol  júzdegen shákirt tárbıelegen bilikti ustaz. Shákirtteri Darııanyń jumysqa shyǵarmashylyq kózqaraspen qaraıtyn kásibı maman ekenin aıtady.

4566

«Qazirgi zamannyń balalaryn ınternetten alshaqtatý úshin oǵan balama retinde ústel oıyndaryn oılap taptyq. О́ıtkeni, shynaıy ómirdegi zııatkerlik oıyn onlaın oıyndarǵa qaraǵanda áldeqaıda paıdaly. Balalar ýaqytyn qyzyqty ári tıimdi ótkizgenin qalaımyn. Ekonomıka jáne qarjylyq saýattylyq baǵyttary boıynsha ústel oıynyn negizge alyp otyrmyn. Ol oıyndy balalar jeti saǵat boıy úzilissiz oınaıdy. Bul ústel oıyny balaǵa qarjylyq saýattylyqty úıretedi. Endi men oqýshylar basqa pánderdi de qyzyǵýshylyqpen oqýy úshin osyndaı oıyndardy engizýdi josparlap otyrmyn. Kásipkerlik negizderimen tanysý úshin ótkiziletin oıyndarǵa qatysqan mektep oqýshylary men kolledj stýdentteri pándi oqytýdyń osyndaı ádisteri ózderine unaıtynyn aıtady», deıdi Darııa Doshımova.

Ol - Pavlodar oblysy pedagogteriniń arasyndaǵy shańǵy jarysynyń altyn medalin alǵan, basketbol oıyndarynyń segiz dúrkin júldegeri. Qazirgi ýaqytta Darııa Doshımova shet tilder men psıhologııa salasyn meńgerýde.

Sońǵy jańalyqtar

Prezıdent Almaty ákimin qabyldady

Prezıdent • Búgin, 14:07

Iranda 6 baldyq jer silkinisi boldy

Álem • Búgin, 11:20

О́tken táýlikte 187 adam indet juqtyrdy

Koronavırýs • Búgin, 10:40

Búgin aqyn Muhtar Shahanov 80 jasqa toldy

Qazaqstan • Búgin, 09:02

Dollar arzandady

Qarjy • Keshe

Uqsas jańalyqtar