«Mamandardyń barlyǵy naryqpen qalyptasady. Iri kásiporyndar jaıly taǵy aıtyp ótkim keledi. El damýyndaǵy oń ózgerister kóp jaǵdaıda bıznestiń órkendeýine baılanysty. О́ndirispen shuǵyldaný, sapaly jumys oryndaryn ashý, ǵylym men bilim mindetti túrde ózin-ózi aqtaıdy. Sondyqtan bıznesmender osy baǵytta jumys atqarǵany jón. Qazirgi ýaqytta bilikti kadrlar tapshy, tehnıkalyq mamandyq ıeleri joq dep shaǵymdana berýdiń ornyna kolledj sekildi oqý oryndarynda bilim alyp júrgen jas mamandardy iri kásiporyndar tájirıbeden ótýge shaqyryp, sheberhanalarda jumys isteýge múmkindik berýge tıis. Belgili korporasııalar osyndaı baǵytta jumys isteıtinin bilemin. Biraq biz zańger, ekonomıs pen menedjer sekildi mamandardy tym kóbeıtip aldyq. Sondyqtan biz qazir bilim alýshylardy tehnıkalyq salalarǵa qaraı baǵyttaýymyz kerek. Osy rette «Bolashaq» baǵdarlamasyn qaıta qarap, qaıta baǵdarlap, úmitkerlerdi Reseı sekildi elderdiń tehnıkalyq joǵary oqý oryndaryna jiberetin bolamyz. Ondaı oqý oryndardyń fılıaldary elimizde de ashylady. Jas qazaqtar tehnıka mamandary bolýy kerek. Bul rette kásiporyndar aýyl-aımaqtaǵy yntaly jastardyń tehnıkalyq baǵytta bilim alýyna yqpal etip, úıretse el ekonomıkasy da órkendeı beredi», dedi Memleket basshysy.
