«Úkimet ınvestısııalyq mindettemeniń oryndalýyna zerdeleý júrgizýi shart. Dál qazir sheteldik ınvestısııalar úshin kúres shıelenisken kezde biz ishki rezervterge barynsha kóbirek arqa súıegenimiz abzal. Munda árıne, otandyq kompanııalardyń qarajaty týraly aıtylyp otyr. Eger sizder óz bolashaqtaryńyzdy Qazaqstanmen baılanystyrsańyzdar, onda qarajattaryńyzdy bizdiń elge qaıta ınvestısııalaý kerek. Sizderdiń Qazaqstan aldyndaǵy áleýmettik jáne saıası jaýapkershilikterińiz osy. Is júzinde «Elde tabys tabamyz – ony shetelde jumsaımyz» degen qaǵıdattyń bolýyna budan bylaı esh quqyq joq», dedi Qasym-Jomart Toqaev.
Prezıdent negizgi jumys eki baǵyt boıynsha iske asatynyn tiline tıek etti. «Jumys eki baǵyt boıynsha júrgiziletin bolady. Elge kapıtaldy qaıtarý men kapıtaldy qaıtarýdy yntalandyrý, sondaı-aq ofshorǵa qarjy shyǵarýǵa tosqaýyl qoıý», dedi Qasym - Jomart Toqaev.
Sondaı-aq Prezıdent memlekettik-jekemenshik seriktestikti qaıta retke keltirýdiń mańyzdylyǵyn atap ótti.
«Elge ınvestısııa tartýdyń taǵy bir baǵyty memlekettik-jekeshelik seriktestikti qaıta retke keltirý bolýy tıis. Búginde bul qural shyn máninde memlekettik satyp alýlar prosedýrasyn aınalyp ótýdiń quralyna aınalǵan. Bıýdjetke barlyq kásipkerlik táýekel aýdarylady. Joǵary jeńildikter men joǵary shekteýler negizsiz usynylady», dep atap ótti Memleket basshysy.Sonymen qatar ol «Úkimetke memlekettik-jekeshelik seriktestiktiń jańa zamanaýı tásilderin qurý qajet», dedi. Qysqasy Qasym - Jomart Toqaev bul baǵyttaǵy jumys jańasha prosespen júrýi kerektigin qadap aıtty.
«Bilim salasy týraly aıtar bolsaq, aınalyp kelgende áńgime onyń sapasyna kelip tireledi. Naryq naqty bir sala mamandaryn talap etse, al bizdiń bilim mınıstrliginiń normatıvtik talaby basqa. Eger qazirgi naryq suranysy belgili bir sala mamanyn talap etse, soǵan saı sizder de ózgerip otyrýlaryńyz kerek», dedi Qasym - Jomart Toqaev iri bıznes ókilderimen kezdesýinde.
Prezıdent bilim berý men maman daıarlaý ýaqyt talabymen úndesýi qajettigin eskertti. «Qaıtalap aıtamyn, biz standartty bilim berý formatyn qaıta qaraýymyz kerek. Sonymen qosa óskeleń urpaqtyń da mentalıtetin ózgertken jón. Bul másele elde bolǵan qaıǵyly jaǵdaıdan sabaq alatyn jaıttardyń biri», dedi ol.
