Ekonomıka • 21 Qańtar, 2022

Tájikstanǵa avtokólikter jiberiledi

57 ret kórsetildi

Sberdiń qoldaýymen taǵy eki qazaqstandyq joba eksportyn arttyrdy, dep jazady Egemen.kz.

«Báıterek» holdınginiń enshiles uıymy jáne QR Saýda jáne ıntegrasııa mınıstrliginiń qaramaǵyndaǵy uıym – «KazakhExport» kompanııasymen ornatqan seriktestiktiń aıasynda Sber Bank Qazaqstan Tájikstandaǵy iri bankterdiń biri «Amonatbonk» banki klıentteriniń Dýshanbe qalasyndaǵy taksoparkti keńeıtý jáne turǵyn úı qurylysy boıynsha jobalaryn qarjylandyrdy. Bul – «SaryArqaAvtoprom» JShS-nyń 200-ge jýyq JAC markaly kólikterdi jetkizýge arnalǵan jobasy jáne «Evraz Kaspıan Stal»  JShS-nyń qurylys armatýralaryn jetkizýge arnalǵan jobasy. Bólinetin jalpy qarjy shamamen 5 mıllıon AQSh dollaryn quraıdy. 

Tájikstannyń júıe quraýshy memlekettik jınaq banki bul jobalar úshin birinshi  akkredıtıvterin shyǵaryp ta úlgerdi.

«Biz Qazaqstannan basqa elderge, sonyń ishinde Tájikstanǵa ónimdi jáne qyzmetti eksporttaýmen aınalysatyn túrli saladaǵy otandyq óndirýshilerge qýana qoldaý kórsetemiz. Sber Bank usynyp otyrǵan saýda-sattyqty qarjylandyrý quraldary, sonymen birge KazakhExport-pen birge usynylatyn quraldar qazaqstandyq kompanııalarǵa syrtqy naryqqa shyqqan kezde qaýipti azaıtýǵa septigin tıgizedi, sonymen qatar qazaqstandyq eksporttaýshylarǵa  tıimdi sharttardyń negizinde jasalatyn qarjylandyrý usynysynyń esebinen ónimdi satyp alýshylardy izdeý múmkindigin arttyrady», dep atap ótti «Sberbank» AQ EB Basqarma Tóraǵasynyń orynbasary Aleksandr Tıtov.

Sońǵy jańalyqtar

Oraz Jandosov jańa qyzmetke taǵaıyndaldy

Taǵaıyndaý • Búgin, 14:10

Aldaǵy kúnderi aýa raıy qandaı bolady

Aýa raıy • Búgin, 11:35

Búgingi valıýta baǵamy

Qarjy • Búgin, 09:32

Elimizdiń birqatar oblysynda úsik júredi

Aýa raıy • Búgin, 09:18

Arǵymaqtar alamany

Aımaqtar • Búgin, 08:42

Azııanyń úzdigi dep tanyldy

Sport • Búgin, 08:40

Uqsas jańalyqtar