Qoǵam • 21 Qańtar, 2022

О́tken jyly kásiporyndarda 200 adam kóz jumǵan

52 ret kórsetildi

Qazaqstanda 2021 jyly óndiriste jaraqat alý men ólim-jitim deńgeıi tómendegen, dep habarlaıdy Egemen.kz.

Eńbek jáne halyqty áleýmettik qorǵaý mınıstrliginiń málimetinshe, elimizdiń kásiporyndarynda 1465 adam zardap shekti, bul ótken jyldyń sáıkes kezeńimen salystyrǵanda 2,5%-ke tómen (2020 jyly – 1503 adam).

Sonymen qatar 200 adam qaıtys boldy, bul 205 adam qaıtys bolǵan 2020 jylmen salystyrǵanda 2,4%-ke tómen.

Eńbek jáne halyqty áleýmettik qorǵaý mınıstri Serik Shápkenov búgingi tańda Qazaqstanda 6,7 mıllıon adam jumys isteıtin 340 myńnan astam belsendi kásiporyn bar ekenin habarlady.

«Jumyskerler eńbek quqyqtarynyń saqtalýyn 246 memlekettik eńbek ınspektory baqylaıdy, olar 2021 jyly 5 130 tekserý júrgizdi, nátıjesinde 10 783 zań buzýshylyq anyqtaldy. Júrgizilgen jumys qorytyndysy boıynsha jumys berýshilerge 3 371 uıǵarym berilip, 278,2 mıllıon teńge somasyna 1 334 aıyppul salyndy», dedi Serik Shápkenov.

Tujyrymdamany iske asyrý barysynda 2030 jylǵa qaraı zııandy jáne basqa da qolaısyz eńbek jaǵdaılarynda jumys isteıtin qyzmetkerler sanyn 15%-ke deıin tómendetý, óndiristegi jazataıym oqıǵalar saldarynan zardap shekkender sanyn 0,24-ke deıin (1000 jumysshyǵa) tómendetý, sondaı-aq eńbekti qorǵaý salasyndaǵy zań buzýshylyqtardy eldegi jalpy kórsetkishke shaqqandaǵy úlesin 15%-ke deıin tómendetý josparlanýda.

Úkimet qyzmetkerlerdiń eńbek quqyqtary men jumysqa ornalasýyn qamtamasyz etý jumysyn jalǵastyrýdy, eńbek janjaldaryna jol bermeý jóninde sharalar qabyldaýdy tapsyrdy.

Sońǵy jańalyqtar

Dollar 10 teńgege qymbattady

Qarjy • Búgin, 16:23

Referendýmǵa latvııalyq baqylaýshylar keledi

Referendým-2022 • Búgin, 15:25

Saıajaıdan esirtki zerthanasy tabyldy

Aımaqtar • Búgin, 13:07

Uqsas jańalyqtar