Prezıdent • 22 Qańtar, 2022

Prezıdent jekelegen memlekettik organdardyń basshylarymen keńes ótkizdi

86 ret kórsetildi

Memleket basshysy Qasym-Jomart Toqaevtyń tóraǵalyǵymen Prezıdent Ákimshiligi, Qaýipsizdik Keńesi, Bas prokýratýra, Ulttyq qaýipsizdik komıteti, Qorǵanys jáne Ishki ister mınıstrlikteri basshylarynyń keńesi ótti, dep habarlady Egemen.kz Aqordaǵa silteme jasap.

Memleket basshysyna elimizdegi ahýaldy turaqtandyrý úshin berilgen tapsyrmalardyń oryndalý barysy týraly baıandaldy. Ásirese qaýipsizdik pen quqyqtyq tártipti qaıta qalpyna keltirýge, azamattardyń zańdy quqyqtaryn qamtamasyz etýge basa mán berildi.

Ishki ister mınıstri Erlan Turǵymbaev Prezıdentke elimizdiń barlyq óńirinde júrgizilip jatqan «Quqyqtyq tártip» dep atalatyn shuǵyl aldyn alý sharalarynyń júzege asyrylý barysy týraly baıandady. Halyqtan zańsyz saqtap otyrǵan qarýlaryn alý isi jalǵasýda. Vedomstvonyń málimeti boıynsha terrorızm, kisi óltirý, bılik ókilderine zorlyq-zombylyq kórsetý, buzaqylyq, memlekettik organdardyń ǵımarattaryna shabýyl jasaý jáne basqa da qylmystar boıynsha 1 822 qylmystyq is qozǵalǵan. Onyń 116-sy arnaýly prokýrorlarǵa joldanǵan. IIM jeke qaýipsizdik departamenti janynan senim telefony iske qosylǵan. Mınıstrdiń aıtýynsha, ustalǵan azamattardyń konstıtýsııalyq quqyqtarynyń buzylýyna jol bermeý maqsatynda quqyq qorǵaý uıymdarymen tyǵyz yqpaldastyq ornatylǵan.

Ulttyq qaýipsizdik komıtetiniń tóraǵasy Ermek Saǵymbaev Memleket basshysyna lańkestik qaýipterdi joıý jáne keleshekte ondaı qaterlerge jol bermeý mehanızmderin ázirleý jónindegi sharalar týraly baıandady.

Qorǵanys mınıstri Rýslan Jaqsylyqov Prezıdentke qazirgi ýaqytta Qarýly Kúshterdiń jekelegen bólimsheleri ishki ister organdarymen birlesip, terrorıstik qaýiptiń «qyzyl» deńgeıinde turǵan óńirlerde quqyqtyq tártipti qamtamasyz etý jónindegi mindetterin oryndaýdy jalǵastyryp jatqanyn baıandady. Áskerı nysandardyń, sonyń ishinde qarý-jaraq jáne oq-dári qoımalarynyń kúzeti kúsheıtilgen.

Qorǵanys mınıstrligi Memleket basshysynyń Qarýly Kúshterdi reformalaý jóninde bergen tapsyrmasyn oryndaýǵa kiristi.

Bas prokýror Ǵızat Nurdáýletov Memleket basshysyna terrorızm men jappaı tártipsizdik derekteri boıynsha júrgizilip jatqan tergeý amaldarynyń barysy týraly esep berdi. Sonymen qatar ustalǵan jáne tutqyndalǵan azamattardyń quqyqtaryn qamtamasyz etý úshin prokýrorlardyń qabyldaǵan sharalary jóninde baıandady. Ǵızat Nurdáýletovtiń aıtýynsha, olardyń bári qorǵaý, zańdy kómek alý, shaǵym jasaý quqyǵymen qamtamasyz etilip jatyr. Prokýratýra organdaryna qańtar oqıǵasyna qatysqan azamattardan 84 shaǵym túsken. Qadaǵalaý sharalary boıynsha ustalǵan 96 adam bosatylǵan.

Sonymen qatar qadaǵalaý organynyń jetekshisi naqty dáleli joq jaǵdaılarda  jazany jeńildetý jónindegi Memleket basshysynyń bergen tapsyrmasynyń oryndalý barysy týraly esep berdi. Berilgen málimetter boıynsha ákimshilik tártipke sáıkes sottardyń sheshimimen 3314 adam tutqyndalǵan. Prokýrorlar 1884 iske qatysty jazany jeńildetý jóninde ótinish bergen. Olardy tekserý nátıjesinde 1083 adam tutqynnan bosatylǵan. 493 azamatqa salynǵan aıyppul eskertý jazasyna aýystyrylǵan.

Baıandamalardy tyńdaǵan Memleket basshysy bolǵan oqıǵanyń barlyq mán-jaıyn anyqtaý jumystaryn jalǵastyrý qajet ekenin aıtty.

Qasym-Jomart Toqaev aqparat salasyndaǵy kúshtik qurylymdar men ókiletti organdar kúsh-jigerlerin úılestirip, jurtshylyq tarapynan túsetin saýaldarǵa jedel jaýap berýge tıis.

Memleket basshysy turǵyndardyń qazasyna qatysty másele boıynsha Bas prokýratýraǵa jáne Ishki ister mınıstrligine árbir jaǵdaıdy muqııat tergep-tekserý jóninde tapsyrma berdi.

– Jurtshylyqtyń bolǵan oqıǵalar jóninde dolbar men qaýesetke negizdelgen pikir qalyptastyrýyna jol berýge bolmaıdy. Azamattar bıliktiń ashyqtyq pen zańdylyqty qamtamasyz etip otyrǵanyn kórýge tıis, – dedi Memleket basshysy.

Prezıdent Ákimshiliginiń basshylyǵyna atalǵan máseleni baqylaýǵa alý tapsyryldy.

Sońǵy jańalyqtar

Aldaǵy kúnderi aýa raıy qandaı bolady

Aýa raıy • Búgin, 11:35

Búgingi valıýta baǵamy

Qarjy • Búgin, 09:32

Elimizdiń birqatar oblysynda úsik júredi

Aýa raıy • Búgin, 09:18

Arǵymaqtar alamany

Aımaqtar • Búgin, 08:42

Azııanyń úzdigi dep tanyldy

Sport • Búgin, 08:40

Eki oıyn keıinge shegerildi

Sport • Búgin, 08:37

Jan Joandy jeńdi

Sport • Búgin, 08:34

Jeńilisten kóz ashpaı tur

Hokkeı • Búgin, 08:32

Túrik qyzdary top jardy

Sport • Búgin, 08:30

О́nerpaz órender tánti etti

Aımaqtar • Búgin, 08:25

Basty maqsat – qoǵam dertinen arylý

Ekonomıka • Búgin, 08:23

Sahna sańlaqtary qýanǵan kún

Pikir • Búgin, 08:18

О́ner adamdaryn alqalaý kerek

Pikir • Búgin, 08:15

Kásipkerliktiń áleýeti joǵary

Pikir • Búgin, 08:12

Sheshilýi kerek tórt túıtkil bar

Pikir • Búgin, 08:10

О́ńiraralyq kóshpeli kezdesý ótti

Referendým-2022 • Búgin, 08:05

Assambleıa belsene qatysady

Referendým-2022 • Búgin, 08:02

Uqsas jańalyqtar