Sport • 23 Qańtar, 2022

Fýtzal: Qazaqstan Slovenııamen teń oınady

41 ret kórsetildi

Fýtzaldan Qazaqstan ulttyq quramasy Nıderlandtyń Amsterdam jáne Gronıngen qalalarynda ótip jatqan Eýropa chempıonatyn teń nátıjemen bastady. Jerles­terimiz V tobynyń alǵashqy týrynda eýropalyq reıtıngte 8-orynda turǵan Slovenııa quramasymen kezdesti.

Jasyratyny joq, Qazaq­stan quramasy bıylǵy Eýropa chempıonatynyń aldynda bir-qa­tar kadrlyq qıyndyqqa tap boldy. Alǵash eldegi saıa­sı jaǵdaıǵa baılanysty Ýkraı­namen josparlanǵan joldastyq kezdesýdi ótkize almasa, týrnırge birneshe kún qalǵanda bas bapker Kaka men negizgi quramnyń birneshe oıynshysy koronavırýs juqtyryp alyp, chempıonattyń alǵashqy oıy­nyna qatysa almady. Al jara­qatyna baılanysty álem birinshiliginde ulttyq quramaǵa kómektese almaǵan Leo taǵy da jat­tyǵý barysynda jaraqat alyp, eki aıǵa qatardan shyǵyp qal­dy. Sóıtip, jerlesterimiz Nı­­­der­landqa bas bapkersiz jáne bir­­neshe oıynshysyz attan­dy.

Osy jaǵdaıdyń bári Slo­venııamen bolǵan oıynda keri áserin tıgizdi. Jigitterde oıyn tá­jirıbesi bolmaǵandyqtan match barysynda bir-birin tú­sinbeı, dop berý sátinde jıi qa­telesti. Tipti ko­man­da kapıtany Igıta da óte nashar oıyn kórsetti. Al­ǵashqy gol da qaqpashynyń qateliginen keıin soǵyldy. Aby­roı bolǵanda jerlesterimiz Slovenııa quramasynan jeńilip jatyp, match sońyna deıin tarazy basyn teńestirip úlgerdi. Qorytyndy esep – 4:4. Bul match­ta Qazaqstan quramasy sapynan Jomart Toqaev, Birjan Orazov jáne Dýglas (dýbl) mer­gendigimen kózge tústi.

Al toptaǵy ekinshi oıynda Fın­lıandııa men Italııa qu­ra­malary kezdesip, bul match­ta da jeńimpaz komanda anyq­tal­mady – 3:3. V tobynyń fa­vo­rıti sanalǵan «Skýadra ad­zýr­ralyqtar» kútpegen jerden skandınavııalyqtarmen upaı bólisýge májbúr boldy. Tórt qurama da bir-birimen teń oı­naǵandyqtan, týrnır kestesinde ázirge Qazaqstan qu­ra­masy birinshi orynda keledi. Jerlesterimiz ekin­­­shi týrda Fınlıandııamen kez­de­sedi. Búginge deıin eki qura­ma bir-birimen múlde jolyq­paǵan. Qa­zirgi tańda skandı­navııa­lyqtar reı­tıngte 13-oryn­da tur. Match elor­da ýaqytymen búgin 01:30-da bas­talady.

О́zge toptaǵy nátıjelerge toqtalar bolsaq, A tobynyń bi­rinshi týrynda Portýgalııa Ser­bııadan 4:2 esebimen basym tússe, jarys qojaıyndary Nı­derland Ýkraınany 3:2 ná­tı­jesimen jeńdi. Al S tobynda Reseı 7:1 esebimen Slovakııanyń tas-talqanyn shyǵarsa, Horvatııa Polshany utty – 3:1. D tobynda Grýzııa Ázerbaıjandy 3:2 esebimen jeńip, chempıonattyń sensasııa­syn tirkedi. Al reıtıngte kósh bastap turǵan Ispanııa Bosnııa jáne Gersegovınany 5:1 nátı­jesimen qapy qaldyrdy.

Sońǵy jańalyqtar

Uqsas jańalyqtar