Qoǵam • 24 Qańtar, 2022

Kómek kórsetiledi

44 ret kórsetildi

Almatynyń qansha turǵyny zardap shekkeni bezbendelip, bıznes shyǵyny túgendelip jatyr. Memleket basshysy Q.Toqaevtyń tapsyrmalaryn oryndaý aıasynda zardap shekken dárigerlerge, qaýipsizdik qyzmetkerlerine jáne órt sóndirýshilerge ótemaqy tólenedi.

«Osy kúrdeli ári qıyn kúnderi qoǵam zardap shekkender ótemaqy alatynyna jáne qoldaý kórsetiletinine senimdi bolýy kerek. Máselen, zardap shekken quqyq qorǵaý organdarynyń qyzmetkerlerine, dárigerler men órt sóndirýshilerge jalpy somasy 220,5 mln teńge, al aýyr jaraqat alǵandarǵa – 2 mln, ortasha jaraqat alǵandarǵa –
1 mln, jeńil jaraqat alǵandarǵa 500 myń teńgeden ótemaqy beriledi», dedi shahar basshysy Baqytjan Saǵyntaev.

Qala ákimi tótenshe jaǵdaı kezinde osy iske jumyldyrylǵan quqyq qorǵaý organdarynyń qyzmetkerleri men medısına qyzmetkerlerine materıaldyq kómek kórsetiletinin atap ótti. Osy maqsatta 10 012 adamǵa, onyń ishinde polısııa departamentiniń – 3 880, tótenshe jaǵdaılar departamentiniń – 1 207, qutqarý qyzmetiniń – 93, medısına salasynyń 4 832 qyzmetkerine 1,6 mlrd teńge bólinedi.

Qala ákiminiń orynbasary Ilııas О́serov О́ńirlik kommýnıkasııalar qyzmeti alańynda ótken onlaın brıfıngte polısııa ókilderinen tirkeý talonyn alǵan, biraq rastaıtyn qujattary joq kásipkerlerge keltirilgen zalaldyń mólsherin baǵalaıtyn aýdandyq komıs­sııaǵa júginý qajet ekenin atap ótti.

«Zalaldy baǵalaýdy qura­my­na táýelsiz baǵalaýshylar, aýdı­torlyq kompanııalar, «Ata­meken» kásipkerler palata­sy men basqa da quzyrly mekemeler kiretin aýdandyq jumys komıssııalary júrgizedi. О́tinishti qaraý jáne sheshim qabyldaýdy óńirlik komıssııa bes kún ishinde júzege asyrady. Osydan keıin óteý úshin sheshim jobasy ázir­lenedi jáne qarajat úsh kún ishinde ótinish berýshiniń aǵym­daǵy nemese jınaq shotyna aýdarylady», dedi ol.

I.О́serov kólik, ekspedı­sııalyq jáne osyǵan uqsas qyzmetterdi kórsetetin kompanııalar avtokólik urlanǵan nemese búlingen jaǵdaıda aýmaqtyq polısııa bólimshesine júginýi kerek ekenin jetkizdi.

Sońǵy jańalyqtar

Dollar 10 teńgege qymbattady

Qarjy • Búgin, 16:23

Referendýmǵa latvııalyq baqylaýshylar keledi

Referendým-2022 • Búgin, 15:25

Saıajaıdan esirtki zerthanasy tabyldy

Aımaqtar • Búgin, 13:07

Uqsas jańalyqtar