Tennıs • 24 Qańtar, 2022

Qazaqstandyq tennısshi Anna Danılına shırek fınalǵa joldama aldy

45 ret kórsetildi

Tennısten Aýstralııa ashyq chempıo­natynyń juptyq básekesinde óner kórsetip jatqan qazaqstandyq Anna Danılına týrnırdiń shırek fınalyna joldama aldy.

Danılına brazılııalyq Beatrıs Ad­dad Maııamen birge úshinshi aınalym­da ıspanııalyq Alena Bolshova men nor­vegııalyq Ýlrıkke Eıkerımen sheberlik baıqasty. Ispanııalyq-norvegııalyq jup birinshi partııada 6:4 esebimen basymdyq tanytqanymen, ekinshi sette Beatrıs pen Anna 6:3 esebimen ese qaıtardy. Úshinshi, she­shýshi partııada qazaqstandyq-brazılııalyq jup 1:4 esebimen jeńilip jatyp, tarazy basyn teńestire bildi. Sodan keıin taı-breıkte jeńisti julyp aldy – 7:6 (10:5). Endi Anna men Beatrıs jartylaı fınalǵa shyǵý úshin shvesııalyq Rebekka Peterson – reseılik Anastasııa Potapovamen oınaıdy.

Sondaı-aq osy týrnırdiń jasóspirimder arasyndaǵy básekesinde synǵa túsip jatqan qazaqstandyq Maksım Batıýtenko jarysty sátti bastady. Temirtaý qalasynyń týmasy bastapqy kezdesýin ulybrıtanııalyq Mettıý Rankınmen ótkizip, eki sette 6:4, 6:3 esebimen jeńiske jetti. M.Batıýtenko ekinshi aınalymda fransııalyq Artýr Hea nemese lıtvalyq Edas Býtvılastyń birimen kezdesedi.

Sońǵy jańalyqtar

Dollar 10 teńgege qymbattady

Qarjy • Búgin, 16:23

Referendýmǵa latvııalyq baqylaýshylar keledi

Referendým-2022 • Búgin, 15:25

Saıajaıdan esirtki zerthanasy tabyldy

Aımaqtar • Búgin, 13:07

Uqsas jańalyqtar