«Bárimiz syrtqy kúshter túrli tóńkeris uıymdastyrýyna, adam quqyqtary degen syltaýmen ishki isterge aralasýǵa, halqymyzdyń tynysh ómirin buzýǵa tyrysýyna úzildi-kesildi qarsy bolamyz. Jaqynda Qazaqstandaǵy tártipsizdikter adam ólimi men materıaldyq shyǵynǵa ákeldi. Qazaqstannyń kórshisi ári dosy bola otyryp, Qytaı zorlyq-zombylyqty toqtatý jáne jaǵdaıdy turaqtandyrý jónindegi baǵytyn barynsha qoldaıdy. Qytaı Qazaqstanǵa qoldaý men kómek kórsetýge daıyn. Prezıdent Toqaevtyń berik basshylyǵymen Qazaqstan halqy óz eli úshin jarqyn bolashaqqa umtylady dep senemin», dedi Sı Szınpın «Ortalyq Azııa-QHR» onlaın sammıtinde.
QHR basshysy Qytaı izgilik, shynaıylyq, ózara tıimdilik jáne toleranttylyq tujyrymdamasyn ustanatynyn, aldaǵy ýaqytta da Ortalyq Azııa memleketterimen joǵary deńgeıdegi baılanystardy keńeıtetinin, strategııalyq baǵytty jandandyratynyn aıtty.
«Ortalyq Azııa elderiniń syrtqy ister mınıstrleri kezdesýleriniń jáne dıalogtyń basqa da tetikterin iske qosý, birligimiz ben ózara senimimizdi nyǵaıtý, birlesken damý men órkendeý múddesinde ózara tıimdi yntymaqtastyqty tereńdetý mańyzdy dep sanaımyn», dedi Sı Szınpın.
