Abaı atyndaǵy QazUPÝ Okaıama ýnıversıtetiniń Turaqty damý úshin bilim berýdi damytý ortalyǵymen birlesken jumysyn 2019 jyldan bastaǵan bolatyn. Ol turaqty damý múddesinde bilim berý úshin muǵalimderdiń quzyretin ázirleý jobasy aıasynda iske asty. 2021 jyldyń naýryz aıynan bastap Abaı ýnıversıteti Qytaı, Úndistan, Indonezııa, Japonııa, Qazaqstan, Malaızııa, Mońǵolııa, Fılıppın jáne Taıland sııaqty Azııanyń toǵyz eliniń ýnıversıtetteriniń ókilderi qatysatyn «Turaqty damý úshin bilim berýdiń azııalyq ortalyqtary arasyndaǵy yntymaqtastyq arqyly klımattyń ózgerýi boıynsha muǵalimderdiń bilimin ilgerletý» jobasyna qatysady.
Instıtýt dırektory Kúlásh Kaımýldınovanyń basshylyǵymen bizdiń ǵalymdar komandasy klımattyń ózgerýi máselelerin zertteýge, sondaı-aq bilim berýdi orta jáne joǵary deńgeıde túzetýge úles qosýda.
Is-shara barysnda Abaı ýnıversıtetiniń strategııa, sıfrlandyrý jáne ınternasıonaldandyrý jónindegi prorektory Aqtolqyn Qulsarıeva bul jobanyń mańyzdylyǵyna toqtalyp, qazir jahandyq klımattyń ózgerýi máselesi búkil álemde belsendi túrde talqylanyp jatqandyǵyn atap ótti. Taraptar onlaın rejıminde yntymaqtastyq týraly kelisimshartqa qol qoıdy. Bul kelisimshart jemisti yntymaqtastyqqa jol ashady jáne stýdettermen, oqytýshylarmen almasýǵa, sondaı-aq birlesken bilim berý baǵdarlamalaryn engizýge múmkindik beredi.
