Fýtbol • 26 Qańtar, 2022

Qazaqstan quramasy top bastady

52 ret kórsetildi

Nıderlandtyń Amsterdam jáne Gronıngen qalalarynda ótip jatqan fýtzaldan Eýropa chempıonatynyń ekinshi týr oıyndary bel ortasynan asty. Bul týrda jerlesterimiz Fınlıandııa fýtzalshylarymen jolyǵyp, iri eseppen jeńiske jetti.

Qazaqstan quramasy birinshi týrda Slovenııamen bolǵan tartysty oıynda 4:4 esebimen teń oınaǵan bolatyn. Sondaı-aq bul matchqa negizgi quramnyń birneshe oıynshysy men quramanyń bas bapkeri Kaka koronavırýsqa baılanysty qatysa almaǵan edi. Sonyń saldarynan bizdiń jigitter buǵan deıin bir ret basym túsip, bir márte teń oınaǵan Slovenııamen taǵy da upaı bólisýge májbúr boldy. Bir upaıdan keıin jankúıerler de, fýtzalshylar da pleı-offqa shyǵýdyń qıyndap ketkenin jaqsy túsindi. Alaıda toptaǵy ekinshi matchta Italııa men Fınlıandııa komandalary da jeńimpazdy anyqtaı almaı, teń tarqasty. Nátıjesinde birinshi týrdan soń toptaǵy jaǵdaı ózgerissiz qaldy.

Ekinshi týr oıyndary aldynda da Qazaqstan quramasy tolyq quramda óner kórsete almaıtyny belgili bolǵan edi. Sebebi Shyńǵys Esenamanovtan match aldynda koronavırýs anyqtalsa, alǵashqy týrda «qyzyl qaǵaz» alǵan Albert Aqbalyqov oıyndy alańnyń jıeginen tamashalady.

Dese de bizdiń jigitter birin­shi matchtaǵydaı bul joly bas bapkersiz oınaǵan joq. Korona­vırýstan aıyǵyp, dereý Nıder­landqa jetken Kaka qurama oıyn­shylaryna qosymsha kúsh syılady. Sóıtti de ekinshi týrda Ita­lııa quramasynan upaı alǵan fın­lıan­dııalyqtardy iri eseppen jeńdi.

Negizi bizdiń quramanyń iri eseppen jeńiske jetýine toptaǵy alǵashqy oıynnyń nátıjesi aıtarlyqtaı áser etkeni belgili. О́ıtkeni Italııa men Slovenııa quramalary taǵy da teń oınap, Qazaqstan quramasyna topta kósh bastaýǵa zor múmkindik syılady. Ekinshi týrda da bir-bir upaıǵa qol jetkizgen Italııa men Slovenııa 2 upaımen ýaqytsha birinshi jáne ekinshi oryndy bólisip turdy. Bul óz kezeginde sál keshigip match ótkizetin Qazaqstan men Fın­lıandııa úshin óte tamasha múm­kin­dik edi. Sebebi jeńgen komanda týrnır kestesinde birinshi orynǵa shyǵatyn.

Eýropa chempıonatynyń fınaldyq kezeńine tuńǵysh ret qatysyp otyrǵan Fınlıandııa matchtyń birinshi taımynda óte shıraq qımyldady. Tipti, matchtyń esebin de birinshi bolyp ashty. Kezdesýdiń 13-mınýtynda Mııka Hosıo mergendik tanytsa, birinshi taımnyń aıaqtalýyna eki mınýt qalǵanda Birjan Orazov tarazy basyn teńestirip úlgerdi.

Skandınavııalyqtar ekinshi taımdy da óte belsendi bastap, taǵy da esepte alǵa shyǵyp aldy. Bul joly Iаnı Korpela Igıta qorǵaǵan qaqpany dál kózdedi. Biraq arada bir mınýt ótkende qaqpashymyz Igıta alańnyń dál ortasynan soqqy jasap, tarazy basyn qaıta teńestirdi. Aıta keteıik, Igıta qatarynan úsh Eýropa birinshiliginde gol soqqan alǵashqy qaqpashy atandy.

Tablodaǵy kórsetkish 2:2-ge jetken soń, Qazaqstan quramasy qatarynan tórt gol soǵyp, Fınlıandııa quramasyna esh múm­kindik qaldyrmady. Aldymen Arnold Knaýb Qazaqstandy alǵa shyǵarsa, eki mınýttan soń Birjan Orazov dýbldiń avtory atandy. Sodan soń Arnold Knaýb taǵy da dáldik tanytyp, esepti 5:2-ge jetkizdi. Al kezdesýdiń núktesin Azat Valıýllın qoıdy. Qorytyndy esep – 6:2. Osy­laısha, Qazaqstan quramasy Fın­lıan­dııadan úlken fýtbolda ketken esesin shaǵyn fýtbolda qaıtardy. Bul jeńisten keıin jerlesterimiz 4 upaımen V tobynda kósh bastady.

Qazaqstan kelesi kezdesýin 28 qańtar kúni Italııa qura­ma­symen ótkizedi. Búginge deıin eki el oıynshylary parkette bir márte kezdesken. 2016 jyl­ǵy Eýropa chempıonatynyń pleı-off kezeńinde joldary túıi­sip, Qazaqstan quramasy 5:2 nátı­jesimen basym túsken edi.

Sońǵy jańalyqtar

Dollar qymbattady

Qarjy • Búgin, 10:59

Elordada áýe shary qulady

Oqıǵa • Búgin, 10:37

Qarjy mınıstriniń orynbasary taǵaıyndaldy

Taǵaıyndaý • Búgin, 10:24

EQYU Bas hatshysy Qazaqstanǵa keledi

Parlament • Búgin, 09:31

Beısenbige arnalǵan aýa raıy boljamy

Aýa raıy • Búgin, 09:00

Uqsas jańalyqtar