Aımaqtar • 26 Qańtar, 2022

Almatyǵa alty reanımobıl alyp berdi

120 ret kórsetildi

Almatydaǵy oqıǵa saldarynan 32 jedel medısınalyq járdem kóligi zardap shekti. Jýyrda «Astana Motors» JShS Jedel medısınalyq járdem qyzmetine jańa 6 reanımobıl áperdi.

«Qańtardaǵy qaıǵyly oqı­ǵalarda qaza tapqandardyń otbasylary men jaqyndaryna qaıǵyra kóńil aıtamyz. Qazaqtyń «Yrys aldy – yntymaq» degen maqaly bar. Búgingi tańda árqaı­sy­symyzdyń qosa alatyn eń qun­dy úlesimiz – bir-birimizge degen qur­metimizdi saqtap, bo­lashaq urpaq úshin eńbek etý», dedi Nur­lan Smaǵulov atyn­daǵy qordyń dı­rektory Aıdyn Sultanov.

«Almatyda qańtar aıynyń basyndaǵy qaıǵyly oqıǵa ke­zinde medısınalyq uıymnyń 32 jedel járdem kóligi, taǵy bir medısınalyq mekemeniń kóligi búlindi. Sondyqtan jańa­dan berilip otyrǵan reanımobılder, ásirese koronavı­rýs ınfeksııasynyń ósýi men jedel járdem qyzmetine júginýler kóbeıip jatqan zamanda óte úlken kómek boldy», dedi Al­maty qalasy Jedel járdem qyz­metiniń dırektory Erbol Sár­senbaev.

Hyundai H350 Ambulance jedel járdem kóliginde tájirıbesi bar dárigerler avtomobıldiń senim­diligin, qaýipsizdigin, fýnk­­sıonaldyǵy men qyzmet kór­­setýdiń qarapaıymdylyǵyn atap ótti. Jedel járdem kóli­gi­niń ar­tyqshylyǵy, jaıly­lyq pen jum­­saqtyǵy, bul dári­ger­lerge aýrýhanaǵa barar jolda jan­saqtaý is-sha­ralaryn to­lyq júr­gizýge múm­kindik be­redi. Je­del járdem kóligi Keden oda­­­­ǵynyń tehnıkalyq reg­la­ment­­terine, Densaýlyq saq­taý mınıs­­trliginiń jolaýshylardy tasymaldaýǵa arnalǵan kólik quraldaryna qoıylatyn talap­ta­ryna sáıkes keledi jáne Eý­ro-5 ekologııalyq standart­ta­rynyń údesinen shyǵady.

Jańa reanımobılder al­ǵashqy medısınalyq kómek kór­setý úshin ókpeni jasandy jeldetý apparattarymen, ókpeni ja­­sandy jeldetý qurylǵylary, ottegimen ıngalıasııalaýǵa arnal­ǵan júıe jıyntyǵymen, defı­brıllıator-monıtorlarymen, elek­tr­­­­sor­­­­ǵyshtarmen, ar­te­rııa­­lyq qy­­symdy, pýlso­k­sı­me­trııany, tem­­peratýrany ólsheý fýnksııa­lary bar reanı­masııalyq-anes­tezıologııalyq monıtorlarmen jáne basqa da zamanaýı tehnologııalarmen jabdyqtalǵanyn aıta ketý kerek.

Reanımobıldiń sońǵy shyq­qan modelinde tóbesi joǵary ornalasqan. Bul dárigerge naý­qasqa tik turyp kómektesýge múm­kindik beredi. Sonymen qatar za­manaýı jedel járdem kó­ligi joǵary jyldamdyqta teń­sel­meýine múmkindik beredi.

p

 

ALMATY

 

Sońǵy jańalyqtar

Shymkentte taǵy bir aýdan qurylady

Qoǵam • Búgin, 16:58

Almatyda qant qymbattap barady

Qoǵam • Búgin, 16:45

Dollar baǵamy ósti

Qarjy • Búgin, 16:12

Uqsas jańalyqtar