«2021 jylǵy 7 jeltoqsandaǵy óz ótinishi boıynsha 2022 jylǵy 7 aqpannan bastap Pıter Grıffıtstiń «Qazaqstannyń avıasııalyq ákimshiligi» AQ Bas dırektory retindegi ókilettigi toqtatylady. Pıter Grıffıts «Qazaqstannyń avıasııalyq ákimshiligi» AQ qurylǵannan beri 2 jyldan astam ýaqyt jumys istep, avıasııalyq retteýshiniń damýyna úlken úles qosty. Onyń basshylyǵymen azamattyq avıasııany basqarý boıynsha aldyńǵy qatarly eýropalyq modelge sáıkes avıasııalyq ákimshiliktiń qalyptasýy ótti. Mundaı tásil Qazaqstanda alǵash ret engizilip, TMD elderi arasynda biregeı bolyp tanyldy», dep habarlady QR Azamattyq avıasııa komıteti.
Ushý qaýipsizdigi boıynsha 2021 jylǵy 2-11 tamyz aralyǵynda ótkizilgen IKAO-nyń Úılestirilgen valıdasııalyq mıssııasy (ICVM) sheńberinde IKAO aýdıtorlarynyń salany táýelsiz tekserý qorytyndysy boıynsha Qazaqstan IKAO standarttaryna sáıkestiktiń ortasha álemdik deńgeıinen 15%-ǵa asyp, 84%-ǵa jetti.
2022 jylǵy 7 aqpannan bastap «Qazaqstannyń avıasııalyq ákimshiligi» AQ Bas dırektorynyń mindetin 2019 jylǵy jeltoqsannan bastap Bas dırektordyń birinshi orynbasary, ushý qaýipsizdiginiń bastyǵy Lında Orledı ýaqytsha atqaratyn bolady.
