Jańa Qazaqstan qurý – táýelsizdikti nyǵaıtý kepili

Endi bizdiń aldymyzda Prezıdent aıtqandaı, jańa Qazaqstandy qurý mindeti tur. Osynaý irgeli mindetti eńserý úshin birinshi kezekte Prezıdenttiń mańyna toptasyp, onyń kún tártibine shyǵarǵan bastamalaryna qoldaý bildirgenimiz abzal.

Búginde túrli aqparat kózderi, áleýmettik jeliler arqyly keıbir azamattar Úkimetti túgeldeı taratyp jiberýge úndep júr. Eger solaı jasalsa, onyń sońy eldi tyǵyryqqa aparyp tiremeı me? Iá, keshe ǵana qaıta jasaqtalǵan Úki­metti alaqaılap maqtap ala jóne­lý­den aýlaqpyn. Degenmen osy Úki­met­ke múmkindik bergen oryndy. О́ıt­keni Úkimet quramyna engisi ke­lip ózeýregen toptyń ishinde bi­lik­ti mamandar men tájirıbeli qyzmetkerlerdiń bar ekenine meniń kúmánim bar. Osyndaıda fransýz jazýshysy Prosper Merımeniń ataqty «Tamango» novellasy eriksiz eske túsedi. Onda sheksiz de túpsiz teńizde júzip kele jatqan kemedegi quldardy keme kapıtany senim artqan kómekshisi Tamango esimdi qara násildi úgittep búlik jasatady. Búlikshiler kapıtan men ekıpaj múshelerin túgel óltirip tastaıdy. Endi ári qaraı kemeni júrgizetin eshkim bolmaı qalady. Olardy úgittep búlikke bastaǵan Tamangonyń ózi, tipti kompastyń tilin bilmeıtin bolyp shyǵady. Osy­laı­sha, quldyqtan qutyldyq degen top teńizge batyp ólý qaýpine tap bolady. Aıtaıyn degenim, el arasyna shı júgirtkish keıbir saıasatkerler «О́zi kótere almaıtyn shoqpardy beline baılamasa eken».

Prezıdent Q.Toqaevtyń jańa Qa­zaq­stannyń endigi damýy­na bári­miz atsalysaıyq. «Bir jaǵa­d­an bas, bir jeńnen qol shyǵa­ra­ıyq!» degen hal­qymyzdyń ejelgi danalyǵyn dál búgingi tańda ár qazaq, ár qazaq­­standyq esinde ustaýy kerek. Ár tańǵa shúkirlik etip, ynty­ma­­ǵy­myz­dy saqtap, táýel­siz­di­gi­miz­di qas­ter­leı bilgenimiz – jaqsy kún­der­men qaýyshýymyzdyń kepili bolsa kerek!

Shaıahmet Aljanbaı,

aqyn