О́ner • 27 Qańtar, 2022

Júrek izdegen adam

78 ret kórsetildi

Odan beri alyp taýdyń basynan ǵasyr aýnady. Teńiz qanshama márte tolqydy, joldar jańardy, biraq adamnyń sanasy báz-baıaǵy qalpynda. О́zi oılap tapqan keseldiń qurbany bolǵan dáýirdiń bet-beınesi qyzyl ala qan. Endi jaqynynan aıyrylǵan adamnyń kóńilin terbetýge ómirdiń shamasy jete me eken...

XX ǵasyrdyń basy. Ispan tumaýy. Dál qazirgi dúrbeleń kezeńniń keskin-kelbetine qarap, sol sáttiń bitimin oısha syzýǵa bolatyndaı. Ábigerge túsken álem áýelgi syrqattyń shyr­­­maýyna oraldy. Ja­han­dyq indetpen jalań qol alysqan dárigerler sý­retshi Egon Shıleniń otbasyn aman alyp qala almady. Qaıǵydan qan jutqan qyl­qalam sheberi qaıda barsa da óz ólimine jolyǵa berdi. Ári qaraı ómiriniń máni ketip, muńy qalǵandaı kúı keshti.

Jan azaby janyna bat­qan sheber 1918 jyly «Mahabbat» kartına­syn jazady. Bul onyń aja­lynyń sımvoldyq habarshysy edi. Aqyry Eýropa kon­tınentiniń myńdaǵan tur­ǵynynyń ómirin qı­ǵan qorqynyshty dert sýretshiniń de ǵumyryna núkte qoıdy. Áýelden-aq shy­ǵar­mashylyǵy dra­maǵa toly jas sýretker dú­nıeden qaıtaryn kúni bu­ryn sezgen desedi.

«Mahabbat» kartınasy taǵy bir ataqty aýstrııalyq sýretshi Gýstav Klımttiń shy­ǵarmashylyǵyna tán gla­mýrlyq-mıftik stılde jazylǵan. Týyndydaǵy basty ári jalǵyz keıipker – alasapyran ishindegi av­tordyń ózi.

Jas jigittiń beti aıqyn úshburyshty pishindi, mur­ny qońqıǵan, erni úlken kelgen. Ol bólmede ne bolyp jatqanyn bilý úshin bir qyrynan qarap tur. Sondaǵy áńgimege qosylý úshin por­tret­ten ketýge daıyn se­kildi. Uzyn kir­piktermen qorshalǵan jarqyn kózderi kóńil bosa­tady. Jalpy, syrtqy kelbeti óte uqypty ja­zyl­­ǵan, qońyr kóılegi men qysqa shashy ádemi úı­lesedi. Biraq tym áljýaz. О́ńi bozǵylt-sary, bul derti meńdegen jannyń dıdary ekeni daýsyz. Sýrette anyq syzylǵan fon joq, adam eshkimge táýeldi emes jáne eshkimge senbeıdi.

Iá, bul – júregi joq kartına. Egon – júrek izdegen adam. Eń ókinishtisi, áıeli men qursaqtaǵy balasy indettiń qurbany boldy. Bir kúnde, bir ýa­qytta. Sol sebepti kenep ishi bozǵylt tústermen boıal­ǵan, qarańǵy álemniń qur­saýynan shyǵa almaǵan jannyń elesi kórinedi.

Sońǵy jańalyqtar

Uqsas jańalyqtar