Orta salmaqtyń eki úzdigi arasyndaǵy jekpe-jek osy jyldyń qyrkúıeginde uıymdastyrylmaq. Al oǵan deıin «Kanelo» WBC chempıony amerıkalyq Djermall Charlomen (32-0, 22 KO) qolǵap túıistiredi dep kútilýde. Sondaı-aq Koppındjer taratqan taǵy bir málimet boıynsha Matchroom Boxing basshysy Eddı Hırn meksıkalyq boksshyǵa bıyl eki jekpe-jek ótkizýge usynys bildirgen.
Birinshisi – jartylaı aýyr salmaqtaǵy WBA chempıony reseılik Dmıtrıı Bıvolmen (19-0, 11 KO) 7 mamyrda judyryqtasý, ekinshisi – jankúıerler tórt jyldan beri taǵatsyzdana kútip júrgen Golovkın men Alvares arasyndaǵy trılogııa. Bul aıqas ekinshi orta salmaq dárejesinde 17 qyrkúıekte tórt beldik úshin ótýi yqtımal.
