Prezıdent • 28 Qańtar, 2022

Toqaev: Tuńǵysh Prezıdentimiz elimizge zor eńbek sińirdi

1189 ret kórsetildi

Nur Otan partııasynyń kezekten tys XXI Sezi ótip jatyr. Quryltaı barysynda el Prezıdenti Qasym-Jomart Toqaev bılik partııasynyń tóraǵasy bolyp saılandy, dep habarlaıdy Egemen.kz.

Saıası keńeste sóz alǵan Prezıdent Qasym-Jomart Toqaev «Qazir el ishinde túrli jaǵymsyz áńgimeler tarap jatqanyn bilemin. Osyǵan baılanysty Memleket basshysy retinde taǵy da qaıtalap aıtamyn. Tuńǵysh Prezıdentimiz elimizdi irgesi berik memleketke aınaldyrý úshin zor eńbek sińirdi.

Biz buǵan deıingi jetistikterimizden aıyrylyp qalmaýymyz kerek. Memleketimizdi nyǵaıtyp, kez kelgen synaqqa daıyn bolýymyz qajet. Tabysqa jetý úshin, eń aldymen, aýyzbirshilik kerek ekenin este ustaıyq», dedi.

Sondaı-aq, Táýelsizdik jyldarynda Qazaqstan barlyq ekonomıkalyq kórsetkishter boıynsha Ortalyq Azııa óńirinde aldyńǵy qatarǵa shyqqanyn aıtty.

«Tutastaı alǵanda, Qazaqstan naryqtyq ekonomıkaǵa aınalyp, óziniń beıbitsúıgishtigi men halyqaralyq mindettemelerdi berik ustanatynyn málimdep, álemdik qaýymdastyqtaǵy bedeldi, qurmetti elge aınaldy. Álemdik qaýymdastyqta ol ıadroǵa qarsy jahandyq qozǵalystyń kóshbasshysy dep atalady. Sondaı-aq, Táýelsizdik jyldarynda Qazaqstan barlyq ekonomıkalyq kórsetkishter boıynsha Ortalyq Azııa óńirinde aldyńǵy qatarǵa shyqqanyn umytpaý kerek», dedi Qasym-Jomart Toqaev.

Sońǵy jańalyqtar

Uqsas jańalyqtar