Áleýmettik jelide Qyzylorda qalasynda polısııa qyzmetkeriniń arnaýly kıimin kıip alyp, tazalyq jumystaryn atqaryp júrgen jas jigittiń beınejazbasy taraǵan bolatyn. Osyǵan baılanysty ýchaskelik polıseıler izdestirý jumystaryn atqardy.
«Nátıjesinde 24 jastaǵy qala turǵyny basqarmaǵa jetkizildi. Oǵan qatysty QR Ákimshilik quqyq buzýshylyq týraly kodeksiniń 675-baby 1-tarmaǵy boıynsha hattama toltyryldy. Onda aıyrym belgileri jáne (nemese) nyshany bar áskerı kıim nysanyn, sondaı-aq nysandy kıim men arnaýly kıim-keshekti zańsyz kıip júrý jaǵdaıy kórsetilgen», dep málim etti Qyzylorda qalalyq polısııa basqarmasynan.
