Oqıǵa Bytovaıa kóshesinde saǵat 17:22 shamasynda bolǵan. Beınetirkegishten túsirilgen kadrlar áleýmettik jelide tarap ketti.
Qaraǵandy oblysy PD baspasóz qyzmeti oqıǵaǵa qatysty túsinikteme berdi. Vedomstvo atalǵan fakt tirkelgenin atap ótti.
«32 jastaǵy KamAZ júrgizýshisi Buhar-Jyraý dańǵylynan Asfaltnaıa kóshesine qaraı Bytovaıa kóshesimen kele jatqan. Temirjol ótkelinde ol teplovozben soqtyǵysýǵa jol berdi. JKO nátıjesinde kólik quraldary mehanıkalyq zaqym aldy. KamAZ júrgizýshisi medısınalyq kómekke júgingen joq», dep habarlady vedomstvodan.
Sondaı-aq, polısııa atalǵan ýchaskede kóktaıǵaq bolmaǵanyn, baǵdarsham durys jumys istegenin, jol belgileri de bar ekenin atap ótti.
«Atalǵan fakt boıynsha saraptama taǵaıyndaldy. Olardyń nátıjeleri boıynsha prosessýaldyq sheshim qabyldanatyn bolady», dep tolyqtyrdy vedomstvo.
