Basqosý barysynda Mınıstrlik pen QMDB-nyń birlesip atqaratyn jumystary boıynsha syndarly pikir almasý boldy. Din salasyndaǵy qyzmetkerler mınıstrge kókeıde júrgen ózekti saýaldaryn qoıyp, qoǵamdaǵy radıkaldy dinı ıdeologııanyń taralýyna qarsy is-qımyl máseleleri jan-jaqty zerdelendi.
Asqar Omarov Qazaqstan musylmandary dinı basqarmasy ımamdarynyń jastardy rýhanı qundylyqtar men adamgershilikke tárbıeleýde, sondaı-aq el musylmandaryn destrýktıvti sıpattaǵy túrli kózqarastardyń áserinen qorǵaýdaǵy úlken rólin atap ótti.
«Qasiretti qańtar» oqıǵasy kezinde Bas mýftıden bastap, QMDB-nyń óńirdegi bas ımamdary halyqty sabyr men tynyshtyqqa shaqyrý boıynsha tabandy eńbek etkenderińiz úshin, sizderge ózimniń shynaıy alǵysymdy bildiremin. Bul - el aldynda barshamyzǵa júktelgen jaýapkershiligi joǵary is-áreket dep tanımyn», dedi vedomstvo basshysy.
О́z kezeginde Bas múftı Naýryzbaı qajy Taǵanuly Qazaqstan musylmandary dinı basqarmasy bıyl «Islam - beıbitshilik pen yntymaqtastyq dini» taqyryby aıasynda aqparattyq-aǵartýshylyq jumystyń jeti baǵyty boıynsha is-qımyl baǵdarlamasyn qabyldaǵanyn aıtty.
Kezdesý qorytyndysy boıynsha qatysýshylar jahandyq trendterge sáıkes aǵartýshylyq qyzmettegi ózara is-qımyldy arttyrýǵa jáne aqparatty taratýdyń tıimdi ádisterin paıdalanýǵa daıyn ekenderin jetkizdi.
