«Qazir elorda aýmaǵynda 26 462 beınebaqylaý kamerasy ornatylǵan. О́tken jyldyń jeltoqsan aıynda qoǵamdyq oryndarǵa 500 jáne densaýlyq saqtaý mekemelerine 2 myńǵa jýyq kamera qoıyldy. Qaýipsizdikti qamtamasyz etý jobasy bıyl da jalǵasyn tabady. Sonymen qatar biz memlekettik-jekemenshik seriktestik týraly zańǵa ózgeris engizdik. Jańa ózgeristerge sáıkes memlekettik-jekemenshik seriktestiktermen birlesip, úı aýlalaryna «Sergek» beınebaqylaý kamerasyn ornatýdy qolǵa alyp jatyrmyz. Josparǵa sáıkes aýlalarǵa 7,5 myń beınebaqylaý kamerasyn qoıamyz», dedi Botagóz Qasabek qalalyq máslıhattyń otyrysynda.
Onyń aıtýynsha, atalǵan jobany júzege asyrýǵa bıýdjetten qarajat alynbaıdy.
«Búginde ázirleý jumystary júrip jatyr. Aýla kamerasyn ornatýda polısııa qyzmetiniń kómegine júginip otyrmyz. Beınebaqylaý kameralary úılerdiń buryshyna, ıaǵnı adam júre qoımaıtyn jerlerge qoıylady. Qala kún sanap ósip jatyr, sáıkesinshe qaýipsizdikti kúsheıtýdi talap etedi. Bul másele ásirese jańadan salynyp jatqan aýdandarǵa qatysty», dedi ol.
