Zaýyt jumysshylarynyń aıtýynsha, oqıǵa túngi aýysymda bolǵan. Er adam konveıerge qalaı túsip ketkenin arnaıy komıssııa anyqtaıdy. «ArselorMıttal Temirtaý» kompanııasynyń baspasóz qyzmeti brıgadır qaza bolǵanyn rastady.
«Bolat óńdeý sehynyń aglomerasııa zaýytynda oqys oqıǵa bolǵanyn habarlaımyz, saldarynan áriptesimiz – 1975 jyly týǵan brıgadırden aıyrylyp qaldyq. Arnaıy komıssııa quryldy, is júrip jatyr», dedi kompanııa ókili.
Oqıǵaǵa qatysty Qaraǵandy oblysynyń eńbek ınspeksııasy jónindegi departamentiniń baspasóz qyzmeti de pikir bildirdi.
«Qaraǵandy oblysynyń bas memlekettik eńbek ınspektorynyń buıryǵy boıynsha, arnaıy tekserý júrgizý úshin komıssııa taǵaıyndaldy. Oqıǵanyń mán-jaıy men sebepteri arnaıy tergeý aıaqtalǵannan keıin anyqtalady, ol týraly qosymsha habarlanady», delingen habarlamada.
