Shamamyz shırek fınalǵa jetti

Ýkraınany Qazaqstannyń osy birinshiliktegi eń myqty qarsylasy boldy dep aıta almaımyz. Árıne, qurlyq chempıonatynda osal komanda joq, biraq jerlesterimiz dál osy ýkraınalyqtardan jeńilýge tıis emes edi. Match aldynda birqatar aýzy dýaly fýtzal mamany men býkmekerlik keńseler boljam jasap, Qazaqstannyń jeńisine senimdi bolǵan-dy.

О́ıtkeni Kaka shákirtteri top­tyq kezeńde jaqsy nátıje kórsetip, óz tobynda birinshi orynmen shırek fınalǵa joldama aldy. Jerlesterimiz alǵashqy oıynda Slovenııamen teń oınasa (4:4), keıingi eki matchta azýly degen Italııa (4:1) men Fınlıandııa (6:2) quramalaryn tize búktirdi.

Ýkraınanyń toptyq kezeńdegi jolyna úńilsek, Aleksandr Ko­senko baptaıtyn qurama A to­bynyń birinshi týrynda jarys qojaıyndary Nıderland qu­ramasynan 3:2 esebimen je­ńilip, keıingi matchta Serbııany 6:1 nátı­jesimen qapy qaldyrdy. Soń­ǵy týrda byltyrǵy álem chempıony – Portýgalııadan jeńildi – 1:0. Úsh oıynda nebári 3 upaı oljalaǵan ýkraınalyqtar tek dop aıyrmasynyń nátıjesinde ǵana kelesi kezeńge ótti.

Matchqa toqtalar bolsaq, bi­rin­shi taımda qarsylastaryna qaraǵanda Qazaqstan quramasy ashyq ári jankúıerlerge unaı­tyndaı oıyn kórsetti. Degenmen birinshi taımnyń aıaqtalýyna bes mınýt qalǵanda bas tóreshi bizdiń qaqpaǵa penaltı belgiledi. Ony Petr Shotýrma minsiz oryndap, quramasyn alǵa shyǵardy. Rı­kardo Kaka shákirtteri birinshi taımda-aq esepti teńestirýge tyrysyp, birneshe ret alǵa umtyl­ǵanymen shabýyldy nátıjeli túıindeı almady.

Úzilisten soń Qazaqstan qura­masy táýekelge baryp, qaq­­­pany jıi bos qaldyrdy. Osy­nyń saldarynan qarsylas­tar eń aldymen 25-mınýtta qa­rymta shabýyl­da esepti eselese, 30-mınýtta úshinshi goldy bos turǵan qaqpaǵa engizdi. Oıynnyń aıaqtalýyna eki mınýt qalǵanda Dýglas pen Ora­zov esepti 3:2-ge deıin qys­qart­­ty. Esep aıyrmashylyǵy qys­qarǵannan keıin jankúıer­ler­diń de keýdesinde úmit oty mazdady. Alaıda oıynshy­lar­dyń asyǵystyǵynan bos tur­ǵan qaqpamyzǵa taǵy eki gol endi. Qorytyndy esep – 3:5. Osylaısha, Qazaqstan qu­ramasy úshinshi Eýrosyn shırek fınalda aıaqtaýǵa májbúr boldy.

О́kinishtisi, keshegi matchta aldyńǵy oıyndarda ekinshi «sary qaǵazdaryn» alǵan Taı­nan men Edsonnyń joqtyǵy qatty bilindi. Sondaı-aq shabýylshy Azat Valıýllın jaraqatymen, Shyńǵys Esen­amanov bir apta karantınde bolyp, jattyǵý jasa­ma­­ǵandyqtan, durys oınaı almady.