Medısına • 03 Aqpan, 2022

Innovasııalyq operasııa jasaldy

111 ret kórsetildi

Boıdaǵy kinárattyń jeńili bolmasa da, keseldiń eń yń­ǵaı­syzy, jaǵymsyzy – kóteý. Er-azamattarda da, áıel adam­darda da jıi kezdesetin bul dert­tiń shyǵý sebepteri de, emdeý joldary da kóp. Endi bastalsa, emdeý qıyn emes, alaıda as­qy­nyp ketse, sońy operasııa za­lynan bir-aq shyǵarady.

Al qazirgi zamanaýı medısınaǵa kelsek, taıaý kúnderi Almatydaǵy Qalqaman shaǵyn aýdanyndaǵy №7 aýrýhana dárigerleri kóteýge kúrdeli endo­vaskýlıarlyq operasııa jasady.

Bes jyldan beri jany qınalyp júr­gen 46 jastaǵy pasıent aýrýha­naǵa tik isheginen qan ketkennen keıin habarlasqan. Sońǵy aılarda sozylmaly gemorroıy asqynyp, dáretke otyrýy múldem azapqa aınalǵan. Dárigerler tıisti dıagnostıkalyq tekserýlerden ótkizgennen keıin oǵan II dárejeli sozylmaly gemorroı dıagnozyn qoıyp, operasııa jasaýǵa sheshim qabyldady. Osylaısha, pa­sıent­tiń tik ishek arterııalaryna endo­vaskýlıarlyq embolızasııa jasaldy.

Proktolog maman Marat Kalen­baev­­tyń sózine súıensek, ope­ra­sııa­nyń bul túri kádimgi dástúrli opera­sııa­nyń qaýipsiz balamasy eken.

«Bul prosedýra narkozsyz jasa­la­dy. Jáne toq ishekti aldyn ala da­ıyn­daýdyń qajeti joq. Zaqymsyz otanyń nátıjesinde pasıent birneshe sa­ǵattan keıin ornynan turyp júre bastaıdy, dáretke de qınalmaı barady. Operasııa júrgizilgen kezde tilik jasal­maıtyndyqtan, otanyń orny aýyr­maıdy, ári jara bolmaıdy», deıdi M.Kalenbaev.

Jalpy, klınıkanyń ınterven­sııa­lyq hırýrgııa bóliminiń meńgerýshisi Sáken Anartaev jetekshilik etken mundaı tik ishek arterııalarynyń en­do­va­skýlıarlyq embolızasııasy tuń­­ǵysh ret jasalyp otyr. Eń qýa­nysh­­­tysy, bul operasııadan keıin pa­sıent kóp uzamaı saýyǵyp, otbasyna oraldy.

Mamandardyń aıtýynsha, atalǵan emdeý tásili 1, 2 jáne keıde 3-saty­da­ǵy syrqattarǵa qoldanylady. Pa­­sıent proktolog-dárigerge qansha­lyq­ty erte qaralsa, qaýipsiz tásildi qol­da­nyp emdeý múmkindigi de joǵary bol­maq.

Mundaı ınnovasııalyq operasııa MÁMS aıasynda da qalalyq №7 aýrýhanada tuńǵysh ret jasaldy. Qoldaǵy zamanaýı tehnologııalar men joǵary bilikti mamandardyń arqasynda operasııa sátti shyqty.

 

ALMATY

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar