Osyǵan oraı tabıǵı monopolııalardy retteý komıtetiniń oblystyq departamenti «QazTransGazAımaq» AQ Atyraý óńirlik fılıalynyń taratýshy qubyrlar arqyly gaz tasymaldaý qyzmetine 2022-2027 jyldarǵa arnalǵan tarıfin myń tekshe metrge 1 133,39 teńgege deıin arzandatty. Bul 2016-2021 jyldardaǵy tarıfpen salystyrǵanda 36%-ǵa tómen. Sondaı-aq jabdyqtaý ústemeaqysy myń tekshe metr úshin 916,17 teńgege (43%) tómendetilip otyr. Tómendetilgen baǵa bıylǵy 1 aqpannan bastap qoldanysqa endi.
– Atyraý oblysynyń tutynýshylary úshin «QazTransGazAımaq» AQ gazynyń túpkilikti baǵasy 38,9%-ǵa deıin tómendetildi. Turmystyq tutynýshylar (turǵyndar) men jylý energetıkalyq kompanııalar turǵyndar úshin jylý energııasyn óndirýge taýarlyq gazdy tutynýdyń myń tekshe metri 4 720,33 teńge, jylý jáne elektr energııasyn óndirýge taýarlyq gazdy tutynatyn energetıkalyq jáne ózge de zańdy tulǵalar úshin myń tekshe metri 11 482,47 teńgeni quraıdy. Al bıýdjettik mekemelerge myń tekshe metri –
13 344,23 teńge, tutynýshylarǵa odan ári satý maqsatynda syǵymdalǵan jáne suıytylǵan tabıǵı gaz óndirý úshin taýarlyq gazdy satyp alatyn zańdy tulǵalarǵa – 11 518,56 teńge, – dep málim etti oblys ákimdiginiń baspasóz qyzmetinen.
Al Qarjylyq monıtorıng agenttiginiń Atyraý oblystyq departamenti monopolıstiń turǵyndar men zańdy tulǵalar úshin magıstraldyq qubyrlar arqyly sýmen qamtamasyz etý tarıfin asyra baǵalaý deregin anyqtady. Qazir atalǵan derekke qatysty Qylmystyq kodekstiń 221-babynyń 1-bóligimen (Monopolııalyq qyzmet) sotqa deıingi tergeý júrgizilip jatyr. Osyǵan baılanysty tutynýshylarǵa keltirilgen zalaldy óteý maqsatynda bıylǵy jyldyń sońyna deıin Atyraý oblysynyń turǵyndary úshin atalǵan kommýnaldyq qyzmetge jeńildetilgen ótemdik tarıf engizildi.
Atyraý oblysy
