Aımaqtar • 04 Aqpan, 2022

HQKO-da memlekettik qyzmet kórsetýge qatysty máseleler talqylandy

70 ret kórsetildi

«Azamattarǵa arnalǵan úkimet» memlekettik korporasııasy KEAQ Almaty qalalyq fılıaly Almaly aýdandyq front-ofısinde fılıal basshylyǵy, QR Memlekettik qyzmet isteri agenttiginiń Almaty qalasy boıynsha departamenti mamandary jáne qoǵamdyq uıymdar ókilderiniń qatysýymen qoǵamdyq qabyldaý ótkizdi, dep habarlaıdy Egemen.kz.

Shara qala turǵyndarynyń memlekettik qyzmetterdi alýdaǵy túıtkildi suraqtaryna jaýap berý, quqyq buzýshylyqtarǵa tózbeý qaǵıdatyn qalyptastyrý, sybaılas jemqorlyqtyń aldyn alý maqsatynda uıymdastyryldy.

«Biz mundaı qoǵamdyq qabyldaýlardy buryn da ótkizip turatynbyz. Pandemııa saldarynan biraz ýaqyt toqtap turdy. Endi qaıta qolǵa alyp, ár aýdandaǵy HQKO bólimderinde qyzmet alýshylarmen betpe-bet kezdesip, máseleleriniń shuǵyl sheshilýine yqpal etpekpiz. Shara turǵyndarǵa qanshalyqty paıdaly bolsa, olardyń syn-eskertpeleri arqyly biz de qyzmet usyný úderisterin jetildire beretin bolamyz», deıdi «Azamattarǵa arnalǵan úkimet» memlekettik korporasııasy KE AQ Almaty qalasy boıynsha fılıalynyń dırektory Ermek Bekjúnisov. 

О́tken aptada Medeý aýdanynyń qyzmet alýshylary, al bul joly Almaly aýdanynyń turǵyndary memlekettik qyzmet alýǵa qatysty suraqtaryna jaýap aldy. Aýdan turǵyny Aıgúl Sábıtqyzy tolyq emes otbasy retinde úı kezegine turý jolyn surasa, Jadyra Amanova ońaltý boıynsha birjolǵy tólemder týraly, Sergeı Aleksandrov turǵylyqty mekenjaıynyń ózgeristerine qatysty,  Elena Andreeva memlekettik aktini elektrondyq formatta alý sııaqty suraqtarmen kelse, Raısa Sergeeva páterinde turǵan burynǵy turǵyndaryn tirkeýden shyǵarý jolyn surady.

Is-shara barysynda 50-ge jýyq qyzmet alýshynyń suraqtary tyńdalyp, keıbir máselelerdi Departament óz quziretiniń sheginde baqylaýǵa aldy. Suraqtardyń basym kópshiligi áleýmettik salasyna, jer jáne qujattandyrý máselelerine qatysty boldy.

«Sharany uıymdastyrýdaǵy maqsatymyz – memlekettik organdardyń ashyqtyǵy men aıqyndyǵyn qamtamasyz etý. Memleket basshysynyń «Halyq únine qulaq asatyn memleket» qaǵıdatyn iske asyrý jónindegi tapsyrmasyn oryndaý sheńberinde halyqtyń kóp kedergilerge tap bolmaı, sapaly qyzmet alýyna jaǵdaı jasaý.  Qalyptasqan syndarly dıalogta nátıjege qanaǵattanǵan jáne memlekettik organdardyń jumysy týraly oń pikirlerin qaldyrǵan azamattardyń birqatar qajettilikteri sheshildi», deıdi Qazaqstan Respýblıkasynyń memlekettik qyzmet isteri agenttigi Almaty qalasy departamentiniń ókili Maqsat Jańbyrshıev.

Mundaı qoǵamdyq qabyldaýlar qalanyń árbir aýdanyndaǵy front-ofısterde (HQKO) apta saıyn ótip turady deıdi uıymdastyrýshylar.

Sońǵy jańalyqtar

Aqyly joldaǵy ahýal qandaı?

Aımaqtar • Keshe

Buǵybulaý

Qazaqstan • Keshe

Júze bilý – ómir

Qoǵam • Keshe

О́lketanýshy

Qazaqstan • Keshe

Kebenek

Tarıh • Keshe

Sáýkele

О́ner • Keshe

Uqsas jańalyqtar