Saltanatty ashylý rásimine Qazaqstan Prezıdenti Qasym-Jomart Toqaev jáne QHR Tóraǵasy Sı Szınpınmen qatar Argentına, Mysyr, Qyrǵyzstan, Polsha, Reseı, Sıngapýr, Serbııa, Tájikstan, Túrikmenstan, О́zbekstan, Ekvador prezıdentteri, Qatar Ámiri, Bosnııa jáne Gersegovına, Grekııa, Mońǵolııa jáne Pákistan premer-mınıstrleri, Kambodja Koroli, Saýd Arabııasynyń taq murageri, Abý-Dabıdiń taq murageri, Monakonyń hanzadasy, Lıýksembýrgtyń Uly gersogy, Taılandtyń hanshaıymy, BUU Bas hatshysy, Halyqaralyq olımpıada komıtetiniń Prezıdenti, Dúnıejúzilik densaýlyq saqtaý uıymynyń Bas dırektory, Shanhaı yntymaqtyq uıymynyń Bas hatshysy jáne basqa da birqatar sheteldik resmı tulǵa qatysty.
Olımpıadaǵa qatysýshy memleketter sportshylarynyń saltanatty sherýinde Qazaqstannyń Memlekettik týyn short-trekshi Abzal Ájiǵalıev pen konkımen júgirýshi Ekaterına Aıdova alyp ótti. Qazaqstannyń ulttyq qurama komandasyna Qasym-Jomart Toqaev qol bulǵap, qoldaý kórsetti.
