Sıfrly kenish óndiristi basqarý júıesin ZIIoT platformasyna kóshirdi

Bul júıeniń artyqshylyǵy – «Al­tynalmas» basshylyǵy dıspetcherleý qyzmetiniń kómegimen álemniń kez kelgen ınterneti bar jerinen óndiristegi naqty jaǵdaıdy barlyq óndiristik júıelerden jınaqtalǵan derekter arqyly kóre alady. Al sapany baqylaý qyzmetteri kásiporyn tehnologtaryna kendi qaıta óńdeý kezindegi tehnologııalyq úderisterdegi aqaý men aýytqýlardy jedel anyqtap, joıýǵa múmkindik beredi.

Osylaısha, altyn óndirýde alǵy sheptegi kompanııalardyń biri ZIIoT zattar ınterneti platformasynda ón­di­risti basqarý júıesin óristetip otyr. Platforma men óndiristi basqarý servısteriniń bir bóligi Qaraǵandy oblysynyń Aqtoǵaı aýdanyndaǵy «Pýstynnoe» ken ornynda engizildi. Endigi kezekte óndiristik kestemen qatar energetıkalyq teńgerimdi ońtaılandyrý qyzmetin damytý qarastyrylyp jatyr. Bul júıe «Dolınnoe» ken ornyndaǵy basqa jobalarǵa da engizilmek.

Jobanyń birinshi kezeńinde «Pýs­tyn­noe» kenishinde ZIIoT platformasyn ERP, SCADA, personaldy basqarý, narıad-tapsyrmalardy baqy­laý júıelerimen, zerthanalyq, taý-ken-geologııalyq, sol sııaqty altyn shy­ǵarý fabrıkasy men baǵaly metaldar óndirý zaýytynyń basqa da aqparattyq júıelerimen ıntegrasııalaý júrgiziledi. Osylaısha, biryńǵaı sıfrly qabat qurylady da, qaıta óńdeý jónindegi óndiristik derekter jańa platformaǵa jınaqtalyp biriktiriledi. Bul derekter negizgi paıdalanýshylarǵa jedel rejimde qoljetimdi bolady. Budan basqa, platforma negizinde qosymshalar jasaý úshin ınfraqurylym jasalyp, dıagnostıkalyq júıe engizilmek.

Ken ornynda óndiristi basqarý maqsatynda dıspetcherleýdi avtomattandyryp, sapany baqylaý úshin birqatar qoldanbalar engizildi, zerthanalyq úderister sıfrlandyryldy jáne metall teńgerimi boıynsha blok jasaqtaldy.

Zerthanany avtomattandyrý arqy­ly synamalardy irikteý jáne esepteý kezinde adam faktorynyń áseri qys­qartyldy. Bul jalpy alǵanda, zert­ha­nalyq synaqtardyń sapasy men tıim­­diligin arttyrdy, sapa týraly de­­rek­­terdiń biryńǵaı kózi quryldy, de­rekterdi óndirýshilerge dereý berý jolǵa qoıyldy, ishki qujat aınalymy sıfrlandyryldy jáne ádistemeler deńgeıinde syrtqy zerthanamen jik­siz ıntegrasııalaý iske asyryldy. «Metall teńgerimi» blogy sheńberinde materıaldyq aǵyndardyń syzbasy men metaldy óńdeý úrdisteriniń modeli jasaldy, materıaldyq jáne taýarlyq balanstar jınaqtaldy, sapalyq-sıfrly aǵyndardy jınaý jáne merzimdi balans­tyq kórsetkishterdi esepteý avtomattandyryldy, sondaı-aq eseptik nysandar sıfrlandyryldy. Bul esepke alý kezinde shyǵyndar men qatelikterdiń paıda bolý ornyn tez anyqtaýǵa, jos­pardan tys shyǵyndardyń aldyn alýǵa jáne materıaldyq-taýarlyq teńgerim arasyndaǵy úılespeýshilikti azaıtýǵa múmkindik beredi.

Jobanyń kelesi kezeńderinde óndiris kestesin jasaqtaý men ońtaılandyrý jáne elektr energııasyn tolassyz esepke alý qyzmetin iske asyrý, sondaı-aq biryńǵaı sıfrly platformany da­mytý­dy jalǵastyrý josparlanǵan. Bu­dan ári óndiristi basqarý úshin engi­zil­gen platforma men qoldanbaly she­shimder «Dolınnoe» nysanynda jalǵas­tyrylady.

«Altynalmas AK» AQ AT jáne kor­poratıvtik damý jónindegi vıse-prezıdenti Janar Amanjolova «Sıfrly kenish» baǵdarlamasy týraly: «Bul joba bizdiń kásiporynnyń deńgeıinde ǵana emes, búkil taý-ken metallýrgııa salasy úshin de mańyzdy. Biz osy baǵ­darlama arqyly 20 shaqty jobany iske asyryp otyrmyz. «Sıfrly kenish» baǵdarlamasy negizinde jasalyp jatqan platforma men qoldanbaly servısterdi engizý – mańyzdy jobalardyń biri. Ol barlyq negizgi óndiristik úderisterdi qamtıdy jáne keıingi barlyq sıfrly bastamalardy iske asyrýǵa «otyn» bolatyn óndiristik derekterdi jınaıdy», deıdi.

«Sıfra» basqarýshy dırektory Pavel Rastopshı qoldanbaly sıfrly sheshimderdi qurý men qoldanystaǵy júıelermen ıntegrasııalaý múmkindigi bar ekenin aıtady. О́z kezeginde mundaı sıfrly platforma óndiristi basqarýdy aıtarlyqtaı jeńildetedi, kompanııalarǵa bıznes aldynda turǵan mindetterdi tez ári az eńbek shyǵynymen sheshýge múmkindik beredi.

ZIIoT platformasyna kóshý 2019 jyly bastalǵan «Altynalmas» pen «Sıfra» yntymaqtastyǵynyń jalǵasy ekenin aıta ketken abzal. Buǵan deıin «Sıfra» «Altynalmas» úshin elektrondy sıfrly qoltańbany paıdalana otyryp, aýysymdyq tapsyrmalardy basqarýdyń avtomattandyrylǵan júıesin óristetýdi iske asyrǵan bolatyn. Osy júıeniń kómegimen kásipterine sáıkes qyzmetkerler arasynda tapsyrma úlestirý men aýysym aldyndaǵy tekserý negizinde qyzmetkerlerdiń jumysqa kirisýin baqylaýǵa bolady.

ALMATY