Atalǵan top qatarynda Parlament májilisiniń depýtattary A. Lınnık, A. Qojahmetov, B. Dúısenbınov, G. Bıjanova, V. Nabıev, N. Razzaq, Almaty qalasy máslıhatynyń depýtaty A. Abylkasımova, advokattar J.Saparhanova men N.Jazylbekov bar. Olar tergeý ızolıatorynyń rejımdik korpýstarynda bolyp, kúdiktilerdiń jaı-kúıimen tanysty.
Tergeý ızolıatoryna kelgen depýtattar men advokattarǵa Almaty qalasy prokýrorynyń orynbasary N. Aýǵanbaev pen Almaty qalasy boıynsha qylmystyq-atqarý júıesi departamentiniń bastyǵy D. Qanatbekov LA-155/18 mekemeniń (tergeý ızolıatory) qyzmetin uıymdastyrý jáne qańtar oqıǵasy kezinde qamalǵandardy tergep-tekserý tártibi jaıly aqparat berdi.
Májilis depýtattary tergeý ızolıatoryndaǵy tekserýden soń, qańtar oqıǵasyna qatysty ustalǵan 11 kúdiktini jeke qabyldap, ótinishterin tyńdady.
Olar ustalǵandardy jeke qabyldaý kezinde mekemedegi ustaý jaǵdaıyna, onyń ishinde azaptaýǵa qatysty shaǵymdardyń bolmaǵanyn málimdedi.
