Edil Jańbyrshın 11 qańtarda Prezıdent Parlament Májilisiniń jáne keshegi Úkimettiń otyrysynda elimizde atqarylatyn biraz máselelerdi belgilep, naqty mindetterdi qoıǵanyn atap ótti.
«Jalpy qoǵam men memleket arasyndaǵy qarym-qatynasta transformasııanyń qajettiligi týyndaǵanyn jáne «Jańa Qazaqstandy» qurý týraly Qasym-Jomart Kemeluly qaıta-qaıta aıtyp júr. Mundaı keshendi transformasııa eń aldymen, Parlament qyzmetinde oryn alyp, Májilis qabyrǵasynan bastalýy shart», dedi E.Jańbyrshın Májilis otyrysynda.
Depýtattyń aıtýynsha, «Jańa Qazaqstan» depýtattyq toby qoǵamdaǵy eń ózekti máselelerdi der kezinde Parlament tórinde kóterip, turǵyndardyń muń-muqtajdaryn ýaqytynda sheshýge qyzmet etedi.
«Úkimetpen birlesip halyqtyń rýhanııatyn kúsheıtetin, ál-aýqatyn jaqsartatyn zań jobalaryn daıyndaýǵa, saılaýshylarymyzben odan ary tyǵyz qarym-qatynastar ornatýǵa múddeli. «Jańa Qazaqstan» depýtattyq toptyń qoǵamdaǵy barlyq belsendi saıası partııalarmen, narazy toptarmen, úkimettik emes uıymdarmen jáne sarapshylarmen qoıan-qoltyq qyzmet jasaýǵa yntaly jáne daıyn ekenin málim etemiz», dedi Jańbyrshın Májilis otyrysynda.
