Biraq jaqyndary Ospanbek Álseıitovke taǵylǵan aıyp negizsiz deıdi. Álseıitovtiń uly tergeýshilerdiń qolynda ákesiniń kináli ekenin dáleldeıtin aıǵaq joq ekenin, oǵan qarsy qylmystyq is oıdan shyǵarylǵanyn málimdedi. Bul qyzmetke 2017 jyldyń 22 jeltoqsanynda taǵaıyndalǵanyna qaramastan, ony 2018 jyldyń 3 qańtarynda qospalardy jetkizý kelisimshartyna qol qoıǵan dep aıyptap otyr. Ulynyń aıtýynsha, bul qujattar Ospanbek Álseıitov «Qazmunaıgazda» jumys istegen kezde qabyldanǵan.
– 7 aqpanda ákemdi aqsha jymqyrdy degen kúdikpen ustap, al keshe 8-i kúni aıǵaqsyz eki aıǵa qamaýǵa aldy. Biz mundaı zańsyzdyqty buryn-sońdy kórgen emespiz. Biz taǵylǵan aıyptyń barlyq dálelderin keltirdik. Biraq ekonomıkalyq tergeý basqarmasynyń tergeýshisi Asylhan Asan olardy elemeıdi. Meniń ákem adal jáne ol taǵylǵan aıyptardy eshqashan istegen emes. Sizderden barlyq qajet sharalardy tez arada qabyldap, ákemniń abyroıyn qalpyna keltirýińizdi suraımyn, – dedi dırektordyń uly Sultan Ospanbek.
