Professordyń aıtýynsha, memleketti jańǵyrtý tek jeke túzetýlermen shektelmeı, bılik júıesiniń qurylymy, halyq ókildigi jáne quqyqtyq mehanızmderdiń keshendi túrde qaıta qaralýyn talap etedi. Sondyqtan jańa Konstıtýsııa jobasy bılik tarmaqtarynyń tepe-teńdigin nyǵaıtyp, quqyqtyq júıeniń tıimdiligin arttyrýǵa baǵyttalǵan.
Sondaı-aq, Ermek Ábdirasýlov birpalataly Quryltaıǵa kóshý men Halyq Keńesin qurýdy zaman talaptaryna saı, tarıhı dástúrlermen sabaqtasqan mańyzdy ınstıtýsıonaldyq qadam retinde baǵalady. Bul ózgerister azamattardyń ókildigin kúsheıtip, memlekettik basqarýdyń ashyqtyǵy men tıimdiligin arttyrýǵa múmkindik beredi. Sonymen qatar, jańa jobada adam quqyqtary men bostandyqtaryn qorǵaý tetikterin kúsheıtýge basymdyq berilgen
«Adam quqyqtary men bostandyqtaryn qorǵaý tetikterin kúsheıtý, zańnyń keri kúshine tyıym salý, advokatýranyń konstıtýsııalyq mártebesin bekitý – quqyqtyq ári demokratııalyq memleketti qalyptastyrýdyń berik negizi», dep atap ótti professor.
Osylaısha jańa joba azamatqa baǵdarlanǵan jáne quqyq qorǵaýdyń kepildikterin qamtamasyz etetinin basa aıtty. Sarapshynyń pikirinshe, qazirgi kezeńde syrtqy qaýip-qaterlerdiń kúsheıýi, sıfrlandyrý, energııa resýrstary úshin jahandyq báseke jáne halyqaralyq qatynastardyń jańa formaty memlekettik basqarýdy jetildirýdi qajet etedi. Sol sebepti jańa Konstıtýsııada ulttyq biregeılikti saqtaý, qoǵamdyq turaqtylyqty qamtamasyz etý jáne bılik ınstıtýttarynyń ókilettikterin naqtylaý basty maqsat retinde belgilengen.
Joba erkindik, teńdik, ádildik, Zań men Tártip qaǵıdattaryna negizdelgen, sonymen birge sıfrlyq quqyqtardy qorǵaý, derbes derekter qaýipsizdigi jáne jańa tehnologııalar jaǵdaıyndaǵy quqyqtyq kepildikterdi qarastyrady. Munyń bári azamattardyń quqyqtary men zańdy múddelerin qorǵaýdy kúsheıtedi, sonymen qatar eldiń ınvestısııalyq tartymdylyǵyn arttyryp, ekonomıkalyq jáne áleýmettik damýdy qoldaıdy.
Referendým kezinde shalǵaıda júrgen azamattar qalaı daýys beredi?
«Ár azamat óz quqyqtaryn júzege asyrý barysynda basqa adamdardyń zańdy múddelerine zııan keltirmeýi tıis. Bul - quqyqtyq memlekettiń negizgi qaǵıdaty. Jańa Konstıtýsııa azamatqa baǵdarlanǵan modeldi usynady jáne qoǵam men memlekettiń barlyq qatysýshylarynyń quqyqtary men zańdy múddelerin qorǵaýǵa baǵyttalǵan», dep túıindedi Ermek Ábdirasýlov.
Aıta keteıik, Konstıtýsııalyq komıssııa Memleket basshysyna jańa Konstıtýsııanyń qorytyndy jobasyn usyndy, al sarapshylardyń pikirinshe, bul qujat eldiń turaqtylyǵy men uzaq merzimdi damýyna quqyqtyq kepil bolmaq.
Referendým-2026: Daýys berý ýchaskesin JSN arqyly qalaı tabýǵa bolady?
