Foto: Ashyq derekkóz
Áleýmettik jelilerde taraǵan beınejazba qoǵamda qyzý talqyǵa tústi. Lada.kz basylymynyń málimetinshe, ata-analardyń shaǵymyna qaraǵanda, bala ózin óte agressıvti ustaıdy: toptar arasynda erkin júrip, balalarǵa shabýyl jasaıdy jáne olardy qorqytady.
Shaǵymdanýshy analardyń biri balanyń keńse pyshaǵyn ustap júretinin jáne qyzdardy uryp-soǵyp, olarǵa: «Uıyqtamańdar, áıtpese bir jerlerińdi kesip alamyn» dep ses kórsetetinin aıtqan.
Balabaqshalardy vaýcherlik qarjylandyrý 1 shildege deıin jalǵasady
Ata-analardyń narazylyǵyn týdyrǵan taǵy bir jaıt – balanyń osy balabaqsha dırektorynyń uly bolýy. Olar mekeme qyzmetkerleri basshynyń balasy bolǵandyqtan, buzaqylyqqa kóz jumyp otyr dep esepteıdi.
Turǵyndardyń biri jaǵdaıdy anyqtaý úshin beınebaqylaý kameralaryndaǵy jazbalardy talap etkenimen, mekeme ákimshiligi «beınejazbaǵa túsirýge tyıym salynǵan» degendi alǵa tartyp, bas tartqan. Al ýchaskelik polısııa qyzmetkeri jazbalardy tek resmı aryz negizinde ǵana alýǵa bolatynyn túsindirdi.
Qazirgi ýaqytta ata-analar zańnyń bárine ortaq bolýyn jáne balalardyń qaýipsizdigin tolyq qamtamasyz etýdi talap etip otyr.
Mańǵystaý oblystyq bilim basqarmasy bul jaǵdaıdan habardar ekenin málimdedi. Vedomstvonyń habarlaýynsha, 20 sáýirden bastap atalǵan mektepke deıingi mekemede qyzmettik tekseris júrgiziledi.
Balabaqsha men kolledjderde daý-damaıdy retteıtin medıasııa qyzmetteri qurylady
Arnaıy qurylǵan jumys toby barlyq jaǵdaıdy jáne usynylǵan materıaldardy zerdeleıtin bolady. Tekseris qorytyndysy boıynsha zań aıasynda tıisti sharalar qabyldanady.
