Áskerılerdiń dereginshe, barlaý málimetteriniń qoldaýymen júzege asqan aýqymdy operasııa barysynda ondaǵan nysanǵa soqqy berilgen. Sol nysandardyń qatarynda Irannyń áýe kúshteriniń basqarý shtaby da bar.
Iranda jumys isteıtin taǵy 7 otandasymyz elge jetkiziledi
Habarlamada bul ǵımarat rejımniń áýe kúshterin basqarý jáne úılestirý ortalyǵy retinde paıdalanylǵany aıtylǵan. Shtabta ballıstıkalyq zymyrandarǵa jaýapty qurylymdar, ushqyshsyz ushý apparattaryn basqaratyn bólimsheler jáne áýe kúshteriniń ózge de bólimderi ornalasqan.
«Bul nysan rejımniń áýe kúshteriniń áreketterin úılestirýge arnalǵan negizgi basqarý ortalyǵy boldy. Shtabta ballıstıkalyq zymyrandardy basqarý qurylymdary, ushqyshsyz ushý apparattary bólimsheleri jáne áýe kúshteriniń basqa da bólimderi ornalasqan», delingen habarlamada.
Izraıl tarapynyń túsindirýinshe, bul shtab óńirdegi elderge, sonyń ishinde Izraılge baǵyttalǵan zymyrandyq soqqylardy josparlaý men operasııalyq jaǵdaıdy qalyptastyrýǵa jaýap bergen.
Memleket basshysy Irannyń kórshi elderge soqqy jasaýdy toqtatý týraly sheshimin quptady
Áskerılerdiń málimetinshe, Tegeranda ornalasqan bul nysanǵa jasalǵan soqqy Irannyń ballıstıkalyq zymyran ınfraqurylymyn álsiretýge baǵyttalǵan keń aýqymdy operasııanyń bir bóligi sanalady. Onyń maqsaty – Irannyń Izraılge qarsy shabýyldardy úılestirý múmkindigin tómendetý.
Izraıl áskeri Iran bıligine tıesili nysandarǵa soqqy berý jalǵasatynyn málimdedi. «Iran rejıminiń múmkindigin álsiretý maqsatynda onyń nysandaryna soqqy berýdi jalǵastyramyz», delingen habarlamada.
Keshe Irannyń ıadrolyq nysanyna soqqy jasalǵan edi.
