Salyq zańnamasyna sáıkes salyqtardy tóleý merzimin keıinge qaldyrǵanda nemese bólip tóleýge múmkindik alý úshin ótinim bergende salyq tóleýshi kepilge múlikti qoıýy kerek (bólip tóleýge berilgen merzimge baılanysty: jyljymaıtyn múlik, avtokólik, qurylǵalar jáne t.b.).
«Salyq jáne bıýdjetke tólenetin basqa da mindetti tólemder týraly» (Salyq kodeksi) Qazaqstan Respýblıkasy Kodeksiniń 52-babynyń 2) tarmaqshasy erejelermen tolyqtyrylyp, endi jeke tulǵanyń, dara kásipkerdiń, jeke praktıkamen aınalysatyn adamnyń jalǵyz turǵyn úıi kepil nysanasy bola almaıdy. Atalǵan ózgertýler 2022 jyldyń 1 naýryzynan bastap qoldanysqa enedi.
Osy túzetýlerdi iske asyrý maqsatynda Qazaqstan Respýblıkasy Qarjy mınıstrligimen «Qazaqstan Respýblıkasynyń memlekettik kirister organdarynyń memlekettik qyzmetter kórsetý qaǵıdalaryn bekitý týraly» Qazaqstan Respýblıkasy Qarjy mınıstriniń mindetin atqarýshysynyń 2020 jylǵy 10 shildedegi № 665 buıryǵyna ózgertý engizý týraly» Qazaqstan Respýblıkasy Qarjy mınıstriniń buıryq jobasy ázirlendi.
Bul Joba http://legalacts.egov.kz ashyq normatıvtik-quqyqtyq aktilerdiń ınternet-portalyna 2022 jyldyń 7 aqpanynda ornalastyrylǵan.
Jobany jarııa talqylaýdy ótkizý merzimi – 2022 jyldyń 21 aqpanyna deıin.
