Bilim • 14 Aqpan, 2022

IT júıesinde bilimderin jetildirdi

59 ret kórsetildi

Qazaq ulttyq qyzdar peda­go­gıkalyq ýnıversıtetiniń stý­dent­­teri akademııalyq utqyr­lyq baǵ­darlamasy aıa­synda Rıga teh­nıkalyq ýnıversı­t­etiniń Aqpa­rat­tyq júıe­ler menedjmenti joǵa­ry mektebinde bilimderin jetil­dir­di. Fızıka, matematıka jáne sıfrlyq tehnologııa­lar ınst­ıtýtynyń bilim alýshylary bir semestr kóleminde eýropalyq bilim berý standartyna negizdelgen oqý júıesimen ta­nysýǵa múmkindik aldy.

Bıylǵy oqý jylynda Qazaq ult­tyq qyzdar pedagogıkalyq ýnı­ver­sıtetiniń 17 bilim alýshysy aka­de­mııa­­lyq ut­qyr­lyq jáne qos dıp­lom­dy bilim berý baǵdarlamalary boıynsha sheteldiń irgeli joǵary oqý oryndarynda bilim­derin jetil­dir­di. Atap aıtqanda, «In­for­matıka» mamandyǵy boıynsha bilim alatyn stýdentter Latvııanyń Menedjment jáne aqparattyq jú­ıe­ler Joǵary mek­tebinde, «Shetel tili: eki shet tili», «Aýdarma isi» ma­man­dyqtary bo­ıynsha bilim alatyn stýdentter men magıstranttar Pol­shanyń Sılez Ýnıversıtetinde, «Hımııa», «Bıologııa», «Geografııa» ma­man­dyq­tary boıynsha bilim alatyn stý­dent­ter Túrkııanyń Nııde О́mer Halısdemır ýnıversıtetinde aka­de­mııa­lyq utqyrlyq jáne qos dıplomdy bilim berý baǵdarlamalary boıynsha bilik­tiligin jetildirmek.

Qazirgi tańda ýnıversıtette she­tel­dik joǵary oqý oryndary­men 70-ten astam halyqaralyq shart ja­salǵan. Akademııalyq utqyrlyq baǵ­dar­lamasyn iske asyrý maqsatynda álemniń 9 joǵary oqý ornymen kelisim ornatylǵan. Olardyń qatarynda AQSh, Túrkııa, Fransııa, Ulybrıtanııa, Pol­sha, Ońtústik Koreıa, Reseı syndy el­derdegi jetekshi ýnıversıtetter bar. Ýnıversıtet ınternasıonalandyrý­dy damytý maqsatynda AQSh-tyń Mıs­sısıpı alqabynyń memlekettik ýnı­versıtetimen, Polshanyń Sılez ýnıversıtetimen jáne Reseıdiń Tomsk polıtehnıkalyq ýnıversıtetimen qos dıplomdy bilim berý baǵdarlamalaryn iske asyryp otyr.

– Akademııalyq utqyrlyq baǵdar­la­masy stýdentter úshin úlken tájirıbe alańy. Osy baǵdarlama arqyly she­tel­dik bilim júıesimen, ózge ulttyń má­denıetimen tanysýǵa, ómirge degen kózqarasymyzdy jaqsarta túsýge múm­kin­dik týdy. Eń bastysy, elimizdegi bilim júıesine jańa kózqarastar, jańa ıdeıalar alyp keldik dep oılaımyn. Ýnıversıtetime osyndaı múmkindik bergeni úshin alǵys aıtamyn, – deıdi «6B01506-Informatıka» mamandyǵynyń 3-kýrs stýdenti Arýjan Estóre.

 

ALMATY

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar