«7-13 aqpan aralyǵynda «Profılaktıkalyq baqylaý» atty respýblıkalyq jedel profılaktıkalyq shara ótti. Osy ýaqyt aralyǵynda ishki ister organdarynyń esebinde turǵan 70 myń azamat turǵyn meken-jaıy boıynsha tekserildi.
Onyń ishinde 5 myń merziminen buryn shartty túrde bosatylǵan azamat bar, myń azamatqa ákimshilik baqylaý bekitilgen jáne jazasyn qoǵamnan alshaqtamaı óteý belgilengen 20 myń azamat bar. Jedel shara nátıjesinde 2 myńnan astam adamnyń zań buzǵany anyqtaldy jáne 4 azamatqa qatysty ákimshilik baqylaýǵa baǵynbaǵany úshin sotqa deıingi tergeý amaly júrip jatyr», dedi Áıgerim Orazálıeva mınıstrlikte onlaın ótken baspasóz máslıhatynda.
Sondaı-aq, brıfıng barysynda azamattardyń teris qadamǵa barý sebepteri aıtyldy.
«Sot sheshimine sáıkes zańdy buzǵan merziminen buryn shartty túrde bosatylǵan 19 adam keri qaıtaryldy. Sonymen qatar ishki ister organdarynyń tirkeýinde turǵan 76 azamattyń qaıda júrgeni anyqtaldy. Adamdardyń quqyq buzýynyń negizgi sebepteri, ishimdik ishý, jumyssyzdyq, quqyqtyq saýatynyń tómendigi jáne bolǵan isten sabaq almaý. Osy oraıda máseleni sheshý jolynda ishki ister organdarynyń mamandarymen qatar jergilikti atqarýshy organdardyń, úkimettik emes uıym jáne qoǵamdyq uıymdardyń ókilderi iske tartyldy», deıdi ol.
Onyń aıtýynsha, 600 sottalýshyny eńbekpen qamtý úshin halyqty áleýmettik qorǵaý bóliminde resmı hat jiberildi.
