Onyń dereginshe, 2020 jyly elimizde 14 myń ınternet alaıaqtyq jasalsa, 2021 jyly onyń sany 21 myńǵa jetken.
IIM ókili ınternet arqyly jasalatyn alaıaqtyqtyń basym bóligi qaryzǵa aqsha berý arqyly jasalatynyn aıtty. Naqty túrlerin atasaq, tómengi paıyzben nesıe berý, qyzmet kórsetý, jyljymaıtyn múlikti satý taǵy sol sııaqty alaıaqtyqtar.
«Bıyl qańtarda ınternet arqyly 1177 alaıaqtyq áreket istelgen. Internet alaıaqtyq qylmysynyń keń taralǵan túri - taýar satý. Iаǵnı ınternet arqyly taýar satady, satyp alýshy aldyn ala aqshasyn tóleıdi, biraq taýar joq. Sodan soń mıkrokredıttik mekemelerden onlaın nesıe alý. Internet alaıaqtyqtyń taǵy bir keń taraǵan túri azamattardyń jeke derekterin bilip alyp, bank kartasynan aqshasyn sypyryp alý. Kóbinese alaıaqtar ózderin bank qyzmetkerimin dep tanystyrady da klıentten jeke málimetterdi suraıdy, odan ári jaǵdaı belgili», dedi Rústem Dúısetaev.
