«Memlekettik shyǵystardyń áleýmettik-ekonomıkalyq áserin taldaýǵa qatysty múddeli memlekettik organdar men uıymdardyń qatysýymen vedomstvoaralyq jumys toby qurylady», dedi Erulan Jamaýbaev Úkimet otyrysynda.
Mınıstr jol kartasy qabyldanatynyn qosa aıtty. Onda bıýdjet shyǵystaryn baǵalaý quraldaryn keńeıtý, shyǵystardy sholý tetigin engizý jáne qarajatty bólý basymdyqtaryn aıqyndaý kózdeletin bolady.
«Qazirgi ýaqytta 80 shara men 9 memlekettik jáne salalyq baǵdarlamany qamtıtyn bólingen memlekettik qoldaý sharalarynyń monıtorıng júıesi iske qosyldy. Júıe memlekettik qoldaý sharalaryn alǵanǵa deıin jáne odan keıin sýbektiniń qarjylyq-ekonomıkalyq tıimdiligin anyqtaýǵa, shyǵystardy salyq túsimderi túrindegi kiristermen salystyrýǵa, sondaı-aq jumys oryndaryn qurýǵa jáne eńbekaqy tóleý qoryn arttyrýǵa taldaý jasaýǵa múmkindik beredi. Atalǵan júıeni qurý boıynsha jumys nátıjeleri jańa ádistemeni ázirleý kezinde eskeriletin bolady», dep túıindedi Erulan Jamaýbaev.
