«Qurylys salýshylardyń jańa tizimi myna silteme boıynsha beıindi basqarmanyń saıtynda kórsetilgen: https://www.gov.kz/memleket/entities/nur-sultan-saulet/documents/details/265998?lang=ru.
Jyl basynan beri Nur-Sultan ákimdigi úleskerlerdiń qarajatyn qabyldaýǵa 6 ruqsat berdi.
Olardyń arasynda bir qurylys salýshy kompanııa kóppáterli turǵyn úıdiń qańqasy turǵyzylǵannan keıin ǵana úleskerlerdiń aqshasyn qabyldaýǵa ruqsat aldy. Al qalǵan beseýi – ekinshi deńgeıdegi banktiń jobaǵa qatysý tásili arqyly», delingen ákimdik habarlamasynda.
Esterińizge sala keteıik, «Turǵyn úı qurylysyna úlestik qatysý týraly» QR Zańyna sáıkes úlestik qatysý mynadaı tásilderdiń birimen uıymdastyrylady:
Kepildik berý Qorynyń kepildigin alý;
- Ekinshi deńgeıdegi banktiń jobaǵa qatysýy;
- Turǵyn úıdiń qańqasy turǵyzylǵannan keıin úleskerlerdiń aqshasyn qabyldaý.
Úlestik qurylysqa áleýetti qatysýshynyń (satyp alýshynyń) úleskerlerdiń qarajatyn qabyldaý úshin ruqsat qujattarynyń bar-joǵyn tekserýge jáne Nur-Sultan qalasynyń sáýlet, qala qurylysy jáne jer qatynastary basqarmasynan keńes alýǵa quqyǵy bar.
