Qazaqstan • 15 Aqpan, 2022

Elorda áýejaıynan 200 mln teńgeden astam zańsyz aqsha shyǵarylmaq bolǵan

139 ret kórsetildi

2021 jyly elorda áýejaıy arqyly 203 706 259 teńge kóleminde zańsyz aqsha shyǵarylmaq bolǵan. Zań buzýshylarǵa aıyppul salyndy. Bul týraly QR Qarjy mınıstrligine qarasty Memlekettik kirister komıtetinde habarlandy, dep jazady Egemen.kz.

Osylaısha, memlekettik kirister departamenti 2021 jyly QR ÁQBtK 551-babynyń 3-bóligi boıynsha 13 ákimshilik materıal jasady (taýarlardy, qolma-qol aqsha qarajatyn, aqsha quraldaryn deklarasııalamaý nemese durys emes kedendik deklarasııalaý, kedendik qujattardaǵy málimetterdi durys málimdemeý), osy buzýshylyqtar boıynsha aıyppuldar somasy 379 210 teńgeni qurady.

Máselen, 2021 jylǵy 16 jeltoqsanda «Nursultan Nazarbaev» halyqaralyq áýejaıynda Nur-Cultan-Ystambul halyqaralyq áýe reısi jolaýshylarynyń kedendik baqylaýynan ótkennen keıin QR UQK Shekara qyzmetiniń qyzmetkerleri Lıvan azamatyn ustady. Onda jarııalanbaǵan 13 900 AQSh dollary anyqtaldy (Ulttyq banktiń baǵamy boıynsha - 6 054 006 teńge).

29 jeltoqsanda elorda áýejaıynda kedendik baqylaýdan ótkennen keıin QR azamaty ustaldy, onyń deklarasııalanbaǵan 38 000 dollary (shamamen 16 409 920 teńge) anyqtaldy.

Memlekettik kirister komıteti EAEO kedendik shekarasyn kesip ótý kezinde valıýtany aýystyrý erejelerine, sondaı-aq «Qazaqstan Respýblıkasyndaǵy kedendik retteý týraly» Kodekske sáıkes qolma-qol aqsha qarajaty kedendik deklarasııalaýǵa jatatyny anyqtalǵanyn eske saldy.

«Kedendik deklarasııalaýdy júzege asyrý ótkiziletin qolma-qol aqshanyń jáne jol chekteriniń shyǵý tegi jáne maqsaty týraly málimetterdi kórsete otyryp, ákelinetin nemese áketiletin qolma-qol shetel valıýtasynyń, qolma-qol Ulttyq valıýtanyń jáne jol chekteriniń barlyq somasyna jazbasha nysanda kedendik deklarasııa berý arqyly júrgiziledi», dep naqtylady QR QM Memlekettik kirister komıteti.

Komıtette jeke tulǵalar kedendik deklarasııasyz jalpy somasy 10 000 AQSh dollary balamasynan aspaıtyn qolma-qol shetel valıýtasyn nemese qolma-qol ulttyq valıýtany (baǵaly metaldardan jasalǵan monetalardy qospaǵanda) jáne jol chekterin QR-ǵa ákelýge nemese QR-dan áketýge quqyly ekenin eske saldy.

Sońǵy jańalyqtar

Dollar arzandady

Ekonomıka • Búgin, 16:52

Qosshyda jańa mektep ashylady

Bilim • Búgin, 16:25

Almatyda esirtki tasymalynyń joly kesildi

Aımaqtar • Búgin, 14:55

Hamenova óz kinásin moıyndaǵan joq

Qoǵam • Búgin, 14:16

Qazaqstanda jylqy eti qymbattady

Qoǵam • Búgin, 14:02

Uqsas jańalyqtar