Jýrnalıst Jaına Slambektiń «sonda bul oqıǵalardy biz qalaı sıpattaýymyz kerek?» degen saýalyna qatysty Memleket basshysy bul oqıǵany el ishinde ártúrli atap júrgenine toqtaldy.
– Qalaı bolǵanda da biz qaraly, qasiretti kúnderdi bastan ótkerdik. Ony moıyndaýymyz kerek. Táýelsizdiktiń 30 jyly ishinde kóptegen synaqqa tap boldyq, onyń bárin el bolyp eńserdik. Biraq, dál osyndaı qaraqshylardyń qatigez áreketin kórgen joqpyz. Eline, jerine adal qyzmet etetin, naǵyz otanshyl azamattar mundaı opasyzdyqqa barmaıdy. Bul – anyq nárse, – dedi Prezıdent.
Sondaı-aq Memleket basshysy jaǵdaıdy ózderiniń jeke múddesine paıdalanǵysy kelgen adamdar tóńkeris jasaýǵa talpynǵanyn basa aıtty.
– Fransýz tilinde osyndaı áreketti coup d’etat dep aıtady. Bul – tóńkeris degen sóz. Eldigimizge, memlekettik tutastyǵymyzǵa, halqymyzdyń qaýipsizdigine qarsy jasalǵan áreket boldy. Árıne, halyqqa áli de kóp nárse túsiniksiz. Qarapaıym azamattar ózderiniń súıikti qalasyn óz qolymen qıratpaıtyny belgili. Qaraqshylar, lańkester Almatyǵa syrttan keldi. Maqsat belgili: kisi óltirý, qorqytý, dúkenderdi tonaý, áıelderdi zorlaý, aqyr sońynda bılikti qulatý, – dedi ol.
