«Prıırtyshe» ólketaný qoǵamynyń zertteýine sensek, burynǵy zaýyttyń qaldyqtary Dalnıı kentinde ornalasqan qalalyq meteostansııa mańynda tabylǵan.
«О́te úlken qurylym. Ishinde shamamen 20 bólim bar, ıaǵnı kishkene peshter. Zaýytta ot arqyly kirpish óndirisi júrgizilgen. Kirpish patsha kezeńinde de, Keńes dáýirinde de bolǵanǵa uqsaıdy. Múmkin zaýyt patsha zamanynan beri jumys istep keledi. Pesh zaýytynyń qurylysy sol ýaqyttarda aıaqtalǵan. Odan keıin keńeıtilgen jáne qaıta jańartylǵan», dedi «Ertis óńiri» ólketaný qoǵamynyń tóraǵasy Marat Sasanov.
О́lketanýshy zaýyt ornalasqan jer shymtezekke baı ekenin atap ótti. Shymtezek kirpishti jaǵý úshin qoldanylǵan bolýy múmkin.
«Bul mańda qyzyqty qubyr bar. Sarkofagtyń ózi dóńgelek tesik kirpishpen qaptalǵan. Bul jyly aýa shyǵarý úshin salynǵan qubyr bolýy múmkin. Bir qyzyǵy, bári kirpishpen muqııat qaptalǵan», dep tolyqtyrdy Marat Sasanov.
О́lketanýshylar osy jazda eski kirpish zaýytyna taǵy bir ret baryp, onyń aýmaǵyn egjeı-tegjeıli tekserýge nıetti. Aıana Toǵanbek EUÝ stýdenti
