Balalarǵa abaı bolaıyqshy

Jol-kólik oqıǵalarynyń 70 paıyzy respýblıkalyq mańyzdaǵy kúre joldarda oryn alǵan. Jıi qaıtalanatyn oqıǵalarǵa saraptama jasaǵan jergilikti polısııa qyz­meti basqarmasy qaýipsizdik sha­ra­laryn kúsheıtýge talpynýda. Áıt­se de qaıǵyly oqıǵalar qatary se­ıilmeı tur. «О́tken jyly 109 jol-kólik oqıǵasy oryn alyp, 8 baldyrǵan qaza boldy, 217-si jara­qat aldy. 2020 jylmen salys­tyr­ǵan­da apat sany eki ese ósti. Bir aıta keterligi, on ekide bir gúli ashylmaı ómirden ótken 8 balanyń ekeýi jaıaý júrginshi, beseýi kólikte kele jatqan jolaýshylar, endi biri motosıkl júrgizip, mert bolǵan», deıdi oblystyq jergilikti polısııa qyzmeti basqarmasy bastyǵynyń orynbasary Erbolat Qusaıynov.

«Biz mektep oqýshylarynyń sanasyna jol qozǵalysy erejesin sińirýdemiz. Bul oraıda ásirese bas­taýysh synyp oqýshylaryna aı­ryqsha nazar aýdarýymyz kerek», deıdi Kókshetaý qalalyq po­lısııa bas­qarmasy ıývenaldy po­lı­sııa­sy­nyń ýchaskelik ınspektory Qýat Qajymov.

Apattyń azaımaı turǵanyna qa­ra­ǵanda bul isti áli de shırata túsý kerek. Olqylyq statıstıkalyq derekterden de kórinip tur. Jyl basynan beri 65 jol-kólik oqıǵasy tirkelgen, 92 adam ártúrli jaraqat alǵan. Taıaýda ǵana bes birdeı adam kólik apatynyń qurbany boldy. Jol beıqamdyqty keshirmeıdi.

Aqmola oblysy